Malethu Gopinatha Pillai

കേരളാ നിയമസഭയിലെ ഒരു മുൻ സാമാജികനായിരുന്നു മാലേത്ത് ഗോപിനാഥപിള്ള (2 ജൂലൈ 1928 -20 ജൂൺ 2013). ഒന്നും രണ്ടും കേരളാ നിയമസഭകളിൽ ആറന്മുള മണ്ഡലത്തേ പ്രതിനിധീകരിച്ചത് ഗോപിനാഥപിള്ളയായിരുന്നു. സജീവ കോൺഗ്രസ് പ്രവർത്തകനായിരുന്നു. കൊച്ചു കേശവപിള്ളയുടേയും മാണിക്ക്യ പിള്ള പാർവതിപിള്ളയുടെയും മകനായി ജനിച്ചു. അനന്തലക്ഷ്മിയമ്മയായിരുന്നു ആദ്യ ഭാര്യ, പിന്നീട് കോമളവല്ലി പിള്ളയെ വിവാഹം ചെയ്തു. രണ്ട് ആൺമക്കളും മൂന്ന് പെൺമക്കളും ഇദ്ദേഹത്തിനുണ്ട്.

എൻ.എസ്.എസ്. ഡയറക്ടർ ബോർഡംഗം,പള്ളിയോട സേവ സംഘം പ്രസിഡന്റ് (ആറന്മുള വള്ളംകളി), ശങ്കർ മന്ത്രിസഭയിലെ പാർലമെന്ററികാര്യ സെക്രട്ടറി എന്നീ നിലകളിലും ഇദ്ദേഹം പ്രവർത്തിച്ചിരുന്നു.