Quick Facts
Biography
Maika Ariztegi (Ituren, 1972) kros lasterkari eta herri kirolari nafarra da, lasterka, lokotx biltzean eta aizkora proban hainbat txapelketa irabazi dituena.
Ibilbidea
Gaztetan korrika hasi zen eta hamabi aldiz irabazi zuen Nafarroako kros txapelketa eta hamasei aldiz Lizuniagako igoera. 40 urte bete arte ibili zen korrika.
Korrika aritzen zenez 26 urte zituela lokotx bilketan proba egin zuen eta horren bidez sartu zen herri kirolen munduan. Euskal Herriko txapelduna izan da lokotx biltzean hamalau aldiz eta ingude altxatzean hiru aldiz, besteak beste. 2018a urte bikaina izan zuen, jokaturiko zazpi txapelketatik bost irabazi zituen, Nafarroako eta Euskal Herriko lokotx bilketa eta ingude altxatze txapelketak eta Urrezko Aizkolariak proba.
2010. hamarkadaren erdialdera emakumezkoen arteko aizkolari lehiketak abiatu ziren eta Maika Ariztegin sari garrantzitsuak irabazi ditu, Donostiako Urrezko Kopa eta Urrezko Aizkolariak sariak esate baterako. 2018an Euskal Herriko Aizkora Txapelketan bigarren egin zuen, emakumezkoentzako antolatu zen lehenengo ekitaldia zen.
Palmaresa
Atletismoa
- Nafarroako Kros txapelketa: 12 txapel
Aizkolaritza
- Donostiako Urrezko Kopa:
- Txapeldun (1): 2016
- Euskal Herriko Txapelketa:
- Txapeldun ordea 2018an
- Urrezko Aizkolariak:
- Txapeldun (1): 2018
- Bigarren (2): 2019, 2021
- Sherpa.ai Aizkolari Txapelketa:
- Binakakoan txapeldun orde 2021ean (Beatriz Tancorekin)
- Ramon Latasa saria (1): 2023 (Nerea Arrutirekin)
Herri kirolak
- Euskal Herriko herri kirol txapelketak:
- Lokotx biltzea: 14 txapel
- Ingude altxatzea: 3 txapel
Erreferentziak
- ↑ «Gaur egun eratorritako kirola» kirolak.euskomedia.org .
- ↑ ««Oraingo umeek mugikorra duten bezala guk aizkora eta sardea» - Malerreka» Erran.eus .
- ↑ Etxeberria, Julen. «Zailduaren patxada» Berria .
- ↑ «Maika Ariztegi iturendarrak irabazi du Emakumezkoen I. Urrezko Kopa - Malerreka» Erran.eus .
- ↑ «Maika Ariztegi iturendarrak irabazi du Urrezko Emakume Aizkolarien Banakako txapelketa - Mendialdea» Erran.eus .
- ↑ «Nerea Sorondo beratarrak irabazi du emakumeen Euskadiko I. Aizkora txapelketa - Bortziriak» Erran.eus .