Macha Béranger

Macha Béranger a riva a la nomea su France Inter andoa dal 1977 al 2006 a ànima la trasmission Allô Macha, con soa vos càuda rusià dai sigaret.
Durant apopré trant'agn, a parte dai 5 d'avril 1977, tuti ij di dla sman-a, a ànima la trasmission andasend dapress a 'n ritual sempe istess, an rivand a lë studi 134 dla Ca dla radio vers óndes e mesa 'd sèira, con diferent capel o scufie, trucà da pòch e lassand a sò passage un sorch përfumà, compagnà da sò cit taboj ch'a fasìa seté an s'un cussin. Lë studi a l'era anluminà mach da na làmpada da comodin: scond chila costa a l'era l'atmosfera giusta për na trasmission dla neuit, durant la qual a ciaciarava con jë scotador, ch'a-j contavo soe confidense. A së stima che an trant'agn a sio stàit pì che 75.000 a ciaciaré con chila.
Ël giòbia a l'era arservà a le përsonalità ch'a vnisìo a confidesse: antra 'd lor a-i son ëstaje Louis de Funès, Annie Girardot, Henri Troyat, Paul Bocuse, Christian Cabol, Christian Lacroix, Antoine de Caunes, Dany Boon e Alain Delon.

Ëd giugn 2006 a l'ha dovù chité, contra soa volontà: la trasmission, già scursà 'd n'ora, a l'é stàita scancelà da Frédéric Schlesinger, ël diretor dij programa ëd France Inter, ch'a vorìa fé vnì pì giovo la radio. Malgré chèich ësman-e d'arzistensa, sostnùa da 'd milen-e dë scotador e da dle përsonalità dlë spetàcol, a l'ha fàit sò darié Allô Macha ant la neuit antra ij 29 e ij 30 ëd giugn 2006, con òspit tanme Jean-claude Brialy e Alain Delon.
Pì tard, sempe dël 2006, a l'ha scrivù un lìber, Quand ça vous arrive, anté ch'a conta soa version dël licensiament.

Arpijà ant ël 2007 da la radio MFM, a ànima durant chèich mèis, tuti ij di, la trasmission Bonsoir Macha, anspirà a cola ch'a l'avìa fala dventé famosa.
Macha Béranger a tnisìa ëdcò la pòsta dij letor dl'ebdomadari Ici Paris.

A l'é mòrta ëd càncher an soa ca 'd Perray-en-Yvelines ai 26 d'avril 2009. |style="background: #C0E1FF; width:152px; font-size: 85%;" align="right" valign="top"|

	Aiuto per la lettura
	Ayuda para la lectura
	Help for Reading
	Rintré ant la Piòla
	Contaté j'Aministrator
	Lìber për Amprende
	Coression ortogràfica
	Tastadura piemontèisa
	Portaj e Proget
	Agiut pr'ij Contributor
	Travajòt sempi

|}