Ludwik Bychowiec

Людвік Быхавец (? — 1734) — ураднік Вялікага Княства Літоўскага.

Паходзіў са шляхецкага роду Быхаўцаў герба «Магіла». Нарадзіўся ў сям’і Самуэля Дабрагоста Банавентуры і Крысціны з Дэнгафаў.

Пісар скарбовы літоўскі ў 1720—1734 гадах. Валодаў маёнткам Нядзьвецк і часткай Лыскава ў Ваўкавыскім павеце. У 1729 г. перадаў брату Уладзіславу дом і надзел у Горадні.

У шлюбе з Людвікай з Тызенгаўзаў. Меў дачку Ружу (Разалію), якая выйшла замуж за Дамініка Антонія Сухадольскага, пісара гродскага ваўкавыскага.

• Генадзь Семянчук. Быхаўцы // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — 696 с. — ISBN 978-985-11-0487-7 (т. 3), ISBN 985-11-0315-2.

• На Вікісховішчы пакуль няма медыяфайлаў па тэме, але Вы можаце загрузіць іх