Quick Facts
Biography
Lukas Longa (edo Lucas de Longa), XVII. mendean Mendaroko “Bioate” baserrian jaio eta 1703 urtean hil zen Barrokoko arkitektoa eta eskultorea izan zen.
Izen bereko bi arkitekto
Izen bereko hargin maisu eta eraikitzailearen semea, bere garaiko arkitektorik garrantzitsuenetakoa da. Aita eta semearen lanak bere garaiko garrantzitsuenen artean daude, mendebaldeko hiru euskal probintzietan lan egin zuten eta eragin nabarmena izan zuten. Korronte soil eta purista baten barnean egon ziren, baina inguruko inspirazio Italia zale nabarmenenetako batekin. Aita, Yrizarren arabera, El Escorialeko lanetan trebatu zen, nahiz eta semeak egin zuen lan ezagun zabalena eta garrantzitsuena, eta jakina da 1684an zortea zuela.
Bere artelanak
Ugariak dira bere lanak erlijio arkitekturan, parte hartu zuelarik haietan. Hauen artean, Mendaron bertan, 1.647. urtean Trinidade elizako zabalkuntza eta berriztapena zuzendu zituen.
1.684an. Azkoitian klaratarren komentua diseinatu zuen. 3 urte beranduago Segurako elizan lan egin zuen, eraikitako eraikinean arkuaren portada berri bat ezarriz. Bere diseinupean Aguraingo San Pedroko klaratarren komentua, Markina Etxeberriko San Andres eliza, Portugaleteko eliza, Azpeitiko parrokiako erreforma San Ignazioren bataiarriaren kokapena hobetzekoa “zeinetan ez dago begirunerik, bere gainean korura igotzeko utzitako eskailera bait dago”.
Euskal Herrian egin zuen lanik garrantzitsuenetakoa Elgoibarko San Bartolome parrokian da, bertan aurreko proiektu baten kostua gutxitzen zuelarik. Barroko itxurakoa da eta plazara zuzendutako dorre bat diseinatu zuen bertan arkupea dagoelarik. 1703. urtean proiektua bukatu gabe hil zenez bere emaztea zenak jarraitu zuen, Maria Antonia Eguiazabal eta Ignacio de Ibero arkitekto famatuak bukatu zuen.
Galeria
- Bergarako udaletxearen aurrealdea San martin plazan
- Lekeitioko Uriarte jauregia
- San Bartolome eliza Elgoibarren
- Segurako Andre Mariaren Jasokundearen elizako portada
- Elgoibarko San Bartolome eliza
- Elgoibarko San Bartolome elizako arkupeak
Oharrak
- ↑ Espainiako Real Academia De la Historiako pertsonai historikoen datu basean esaten du aita eta semea, biak, arkitektoak zirela eta, batzuetan zaila dela zehaztea lan bat batarena edo bestearena den. Dena den, semean egin zituen lan gehien. Ikusi: <http://dbe.rah.es/biografias/55293/lucas-de-longa> Noiz kontsultatua: 2020-07-12
Erreferentziak
- ↑ Jaione, Velilla Iriondo. «Lucas de Longa | Real Academia de la Historia» dbe.rah.es (Real Academia de la Historia) .
- ↑ (Gaztelaniaz) «El convento de Santa Clara de Azcoitia, una obra del arquitecto Lucas de Longa» www.eusko-ikaskuntza.eus .
- ↑ Lucas de Longa. .
Kanpo estekak
