Quick Facts
Biography
De Louis Simmer, gebuer de 26. Abrëll 1889 zu Keel,a gestuerwen 1987, war een héije lëtzebuergesche Staatsbeamten.
Nodeems hien als Professer am Stater Kolléisch an am Stater Meedercherslycée geschafft huet, ass hien 1916 an d'Verwaltung, déi fir den Enseignement verantwortlech war, iwwergewiesselt.
Säin 1926 publizéiert Buch iwwer d'Geschicht vum Léierpersonal gouf laang als Standardwierk betruecht.
1934 gouf hien zum Conseiller de Gouvernement ernannt.
Während dem Zweete Weltkrich, war hie Member vun der Verwaltungskommissioun, zoustänneg fir d'Ëffentlech Erzéiung, Konscht a Wëssenschaften an de Kultus. Am Rapport Artuso gëtt seng Haltung an der Juddeverfolgung ganz kritesch betruecht.
Nom Zweete Weltkrich war hie Member vun der Conférence de St. Vincent de Paul.
1949 goung de Louis Simmer an d'Pensioun.
Gielchen
- Chevalier vum Ordre de la couronne de chêne (Promotioun 1935)
Bibliographie
Louis Simmer, Étude sur la formation du personnel de notre enseignement primaire depuis 1815, 1926.
Referenzen
- ↑ Lang, Charles, 1967. Le personnel de l'enseignement secondaire et supérieur du Grand-Duché de Luxembourg, 1839-1922. Travail statistique de Félix Heuertz (1922), complété par Charles Lang (1967). Publications du Ministère de l'Éducation nationale, Luxembourg, S. 90-91.
- ↑ Denis Scuto: L’histoire du temps présent: Un esprit ouvert et si tolérant... am Tageblatt nr 44 vum 21/22.Februar 2015 op orbilu.uni.lu
- ↑ "Unterrichtswesen" am Luxemburger Wort vum 13. Mee 1916.
- ↑ La « question juive » au Luxembourg (1933-1941): L'Etat luxembourgeois face aux persécutions antisémites nazies. Rapport final remis au Premier ministre le 9 févirer 2015. Uni Lëtzebuerg, 2015. PDF Download bei rtl.lu; PDF-Download bei gouvernement.lu.
- ↑ Luxemburger Wort, 8. Dezember 1949.
- ↑ Memorial N°5 vun 1935 mat enger Lëscht vu Leit déi am Ordre de la Couronne de chêne dekoréiert goufen