Quick Facts
Biography
José Manuel Robledo, Lolo'l de Cabranes, (Manes, Cabranes, 26 d'agostu de 1954), ye un cantante asturianu de tonada.
A diferencia d'otros cantantes, Lolo nun entamó de mozu nel mundu de la tonada. Nun sería hasta l'añu 1998 cuando ganaría'l so primer concursu, el d'Amieva, que volvería a ganar nos años 2000, 2001 y 2002 y nel que sería proclamáu como Campeón de Campeones. Tamién s'alzaría col títulu de campeón nel concursu de La Nueva (2002) y (2005); el Ciudá d'Uviéu (2004); Returbio (2005 y 2006) o Avilés (2006).
Lolo sería reconocíu nel Memorial Silvino Argüelles los años 2004, 2006 y 2008.
Cola Sociedá Fonográfica Asturiana grabó un CD baxo'l títulu de Sabor Asturianu, con cantares conocíos como Xunce les vaques, Ramona, L'aire m'apagó la vela, Pa castañes, Tremanes, o Toca la gaita, gaiteru.
Yá nel añu 2012 algamaría'l primer premiu nel XV Concursu de Tonada Cuenca del Caudal