Quick Facts
AriesBiography
Любка Фалц, роджена Сегеди, *10, апрѣль 1932, Петровци, в тогдышной Югославии, днесь Хорватия – †10, апрѣль 2018, Винковци, Хорватия —учителька, поетеса, културна активистка.
Биография
В родных Петровцях выходила штыри класы закладной народной школы. Мала 11 рокы, коли одышла з родного села доВуковару, де абсолвовала низшу гимназию и склала малу матуру, а пак штудовала на учительской школѣ в Осиеку. Яко 18-рочна зачала учительовати в положеном при Осиеку селѣ Овчара (днесь община Чепин), а ту зачала и писати поезию. Наступно учительовала в розличных селах, в том в Миклошевцях, а наконець за довгшый час в Дреновцях, одкы и пошла до пензии.
Послѣдны рокы свого живота жила во Винковцях, де и умерла. Спочивать на валалском теметовѣ в Петровцях, де ся ей одпровод одбыв 12. апрѣля 2018.
Была активна в сполоченском и културном животѣ. Една зо закладательок русинской организации в Хорватии, по роздѣлѣ югославянской державы — Руснак,дружтво Руснацох у Републики Горватскей (2003), перва, а пак честна предсѣдателька той организации. Довгорочна членка Дружтва за руски язик, литературу и културу, вызнаменана в року 2015 честнов наградов им. Осифа Фа за педагогичну и литературну чинность.
Творба
Свой первый верш, названый Квитки у полю, публиковала в року 1954в русинском часописѣ Шветлосц. Далшы поезии появляла переважно во вуковарском часописѣ Нова думка, в народных календарях и в антологиях, довъедна их было понад 250. Выдала двѣ поетичны зберькы и приготовила третю, котру не встигла выдати:
- Подоба з далєка (1975);
- Класки (1999) — достала литературну награду Александра Духновича, 2006;
- Шерцо на червеним партку (невыдана).
Жерела и одказы
- (И. П.). ЛЮБКА СЕҐЕДИ ФАЛЦ, учителька, поетеса (1932-2018). Studia Ruthenica 23 (36). Нови Сад: Дружтво за руски язик, литературу и културу, 2018. c. 217. https://zavod.rs/wp-content/uploads/2021/07/Studia-rutenika-23-2018.pdf. [перевірено 2022-04-16].
- Петро МЕДВІДЬ. Недожытый юбілей Любкы Сеґеди-Фалц. ЛЕМ.фм, Академія русиньской културы на Словеньску. http://www.cms3.rusynacademy.sk/?13-4-2022-Недожытый-юбілей-Любкы-Сеґеди-Фалц. [перевірено 2022-04-16].
- (ядю) (2018-04-12). Умарла Люпка Фалц. РУТЕНПРЕС. https://www.ruskeslovo.com/Умарла-Люпка-Фалц/. [перевірено 2022-04-16].