Quick Facts
Biography
Lieven Verstraete (Brugge, 19 oktober 1962) is e West-Vlamsche journalist en nieuwslezer by de VRT.
Carrière
Lieven Verstraete et d' interesse vo polletiek van z'n ouders meegekreegn. Je lêerde geschiedenisse in Gent. Je werkteg' êerst in e schoolbibliotheke en loater an de KU Leuven en by e verzekeriengsbedryf.
In 1987 is 't ie gesloagd vo 't latste grôot journalistnexoamn van de BRT. Den 1e januoari 1988 begost ie by de radionieuwsdienst, êerst by 't nieuws 's nuchtends tegoare mè Johny Vansevenant en loater kwam 't ie Europees verslaggever.
Ook by zyn overstap noa de televiezje in 1999 dêed ie Europa en loater kwam 't ie verslaggever van de Wetstroate. Vanof 2004 presenteerde Lieven Verstraete Het journaal en sedert september 2006 Terzake ip Canvas.
Varia
- Lieven Verstraete kan nie leevn zounder muziek. Da kan klassiek zyn, jazz, of alternatieve rock, moa ze grôte passie is Brazilioansche muziek. En deur te luustern noa die tekstn et ie ook interesse gekreegn vo de Portugeesche toale.
- Een andere passie van hem is basket. J' e zelve nog gebasket by Racing Brugge tout an ze 35 joar.
- Lieven Verstraete helpt mee in de nieuwe kaffie- en theebar van zyn vriendinne in de Dweerstroate in Brugge.