Libe Asua Zarrabeitia

Libe Asua Zarrabeitia (Galdakao, Bizkaia, 1916ko urriaren 25a - 2019ko otsailaren 2a) bizkaitar euskaltzalea izan zen.

Libe Asua Galdakaon jaio zen 1916an, Elexalde auzoko Aldatze baserrian, Galdakaoko kanposantuaren aurre-aurrean. Bere aita udaleko lurperatzailea zen eta alabak behin baino gehiagotan lagundu egiten zion langintza horretan.

Gandasegiko Eskolara

8 urte zituelarik Gandasegiko eskoletara joaten hasi zen,eta ondo grabatuta dauka norekin ikasi zuen: honela kontatzen du "Doña Pia Arsuaga maistrarekin viuda de Don Francisco Aspiazu". Pasarte kuriosoak gogoratzen ditu Galdutako Udabarrirako, Gandasegiko eskolea barriztatu eta ber-inaguratu zutenean "etorri zen Don Miguel Primo de Rivera eta Don Remigio Gandasegi Galdakaoko semea Amadeo Gandasegiren anaia" Galdakaora etorri zirenekoa adibidez: detaile askorekin gogoratzen du nola jantzita eta zein kondekorazio bitxiak ekarri zituzten agintari guztiek barriztu ziren eskolen reinaguraziñora. Eskola horretan urte gutxi batzuk egin ondoren, etxean lagundu behar izaten ebalako, 12 urtegaz neskame lanak egiten hasi zen.

Oroimen oneko emakumea dela esan daiteke, bere bizitzako pasarteak ondo gogoratu eta kontatu egin dituelako zenbait elkarrizketatan: ahotsak.com ekimenean, Galdutako Udabarria dokumentalean, Galdakaoko Udaletxeak antolatu dituen hainbat ekimenetan eta aukera eman zioten leku guztietan. Emakume euskaltzalea eta bakezalea zen, zalantzarik gabe, jende guztiarekin tratu ona izaten eta bizipoza zabaltzen saiatzen zena.

Plazakoetxeko Bonbardaketa

Berebiziko sentipen sakona eragin zion 1937ko maiatzaren 19an Gerra Zibilean zehar, Plazakoetxeko errefugioa bonbardatu zuteneko hildakoen lurperatzea. Bere aitari laguntzen, kanposantuko kapilan ikusi zituen hildakoak banan banan gogoratzen ditu, pertsona ezagunak zirelako denak.