László Kollonich

Grafo László KOLLONICH [la:slo: koloniĉ], laŭ hungarlingve kutima sinsekvo Kollonich László estis hungara katolika pastro, ĉefepiskopo, episkopo, preposto, kanoniko. Liaj nobelaj antaŭnomoj estis kollegrádi kaj zayugróczi.

László Kollonich [1] naskiĝis la 7-an de decembro 1736 en Vieno. Li mortis la 23-an de aprilo 1817 en Kalocsa.

László Kollonich lernis filozofion en Vieno, poste teologion en Romo. Inter 1760-1764 li estis kanoniko, poste preposto ĝis 1774. En la sekva jaro li ricevis episkopan seĝon de Transilvanio. En 1780 li iĝis episkopo en Nagyvárad, samtempe eterna departementestro de Bihar. En 1787 li estis altrangigita al ĉefepiskopo en Kalocsa, krome li estis reĝa interna sekreta konsilisto kaj ĉefjuĝisto. Li ne akceptis la dignon kardinalo kaj la titolon ĉefepiskopo de Esztergom.

• Excelsi proceres et inclyti status. ac ordines regni Hungariae (1790)
• Sermo occasione introductionis ordinis S. Benedicti et installationis primi post restitutionem archi-abbatis 1802
• Sermo, quem … die 2. Junii 1788., quippe occasione solennis in metrop. suam sedem ingressus, et installationis ad clerum et populum archi-dioecesis suae habuit (1823)

• Leopold Karl von Kollonitsch, alia familiano, ankaŭ episkopo

• hungarlingva biografio (la teksto estas legebla maldekstre post klako al litero K kaj serĉante ĝin el la aboco-listo)
• hungarlingva biografio