Quick Facts
LeoBiography
Кола Голенков (руз.: Николай Борисович Голенков; шач. 17 августста 1958, Булдыга, Зубунь район, Мордовия) — мокшень сёрмадысь, валморайсь, прозаиксь ди драматургсь.
Эряфонь киц
Кола Голенков шачсь Зубово-Поляна районца, Булдыги велеса. Велень школать аделамдонза меле тусь тонафнема Ленинграду. 1982-це кизоня аделазе Ленинградонь государствань университетть журналистикань факультетть. Меле кота киот покодсь «Мокшень правда» газетаса Мордовияса, Саранскяйса. Сёрматкшнесь зарисовкат, очеркт, фельетотт. Эста ушедсь варчсема виензон тяштемаса.
1988-це кизоня Кола Голенков етась покодема «Якстерь тяштеня» идень журналу. Иденди сценканза, пеетьфти аксонза лисендихть журналть пъцтай эрь номерсонза.
Тяштемац
Инь удалаф пеетькшнеманза сувасть мокшень сатирикнень и юмористттнень «Тон-Тейнь, мон...» марстонь сборникозос, кона нолдафоль Мордкизса 1986-це кизоня. Голенков варсчсезень виензон драматургияса. Пьесанза тусть мяльс, ламотне путфтольхть велень клупнень ди культурань куттнень сценаса. «Кеподьсаськ занавесть» книгац нолдафоль Мордкизса 1989 к., коза сувасть Н.П. Голенковонь драмань произведениянза. А. Ф. Ежов поэтть ди Н. В. Кошелева композиторть мархта сермадозь «Сиянь эрьхке» ёфксть, кона путфоль Мордовиянь государствань музыкань театраса.
Голенков Н. Ф. суваф Россиянь журналистонь союзти, Россиянь Писателень союзти.
Киниганза
- Голенков Н. Б. Учимся думать и говорить по-мокшански, по-эрзянски. Учебное пособие. — Саранск: Книга, 2009. — 80 с. — ISBN 978-5-7493-1186-0;
- Голенков Н.Б. Уроки мокшанского, эрзянского. Саранск: Книга, 2009. — 80 с. — ISBN 978-5-98344-111-8;
- Голенков Н. Б., Иванова С. Ф. Говорим по-мокшански. Корхтатама мокшекс. Разговорник. — Саранск: Изд. дом «Книга», 2009. — 80 с. ISBN 978-5-7493-1186-0;
- Голенков Н. Б. «Кеподьсаськ занавесть». — Саранош: Мордовскяй книжнай издательствась, 1989. — 160 л. ISBN 5759501259 ;
- Голенков Н. Б. «Варсиень лувихть». Азкст, пеетькст, сценкат, ёфкст / Младшай класса тонафнихненди. — Саранош: Мордовскяй книжнай издательствась, 1995. — 112 л. ISBN 5759510150;
- Голенков Н. Б. «Зрнянь сельмоветть». Кафта действияса ёфкс. — Саранош: Мордовскяй книжнай издательствась, 2005. — 149 л. ISBN 5-7493-0882-0;
- Голенков Н. Б. «Мокшень панар». Ёфкст, азкст, пьесат. — Саранош: Книга, 2008. — 247 л. ISBN 978-5-7493-1311-6;
- Голенков Н. Б. «Тюштянь торамац». — Саранош: Мордовскяй книжнай издательствась, 2008. — 79 л. ISBN 978-5-98344-077-3;
- Голенков Н. Б. «Эрьготеть букватне». Книга-раскраска. – Саранск : Книга, 2008. – 24 с.;
- Зубово-Полянскому муниципальному району 80 лет / сост. Н. Голенков. – Саранск: Книга, 2008. – 39 с.