Kirstin Strøm Bech

Kirstin Strøm Bech (fødd 1956 í Vági) var borgarstjóri í Vágs Býráð frá 1. jan. 2005 til 31. des. 2012. Kirstin er útbúgvin fólkaskúla lærari. Áðrenn hon gjørdist borgarstóri í Vágs kommunu starvaðist hon sum lærari í Porkeris Skúla. Kirstin stillaði upp fyri Javnaðarflokkin og varð fyrstu ferð vald í býráðið í november 2004 og varð av býráðnum vald til borgarstjóra. Hon var borgarstjóri frá 1. januar 2005. Til valið í november 2008 varð hon afturvald og helt fram sum borgarstjóri eitt valskeið afturat. Kirstin Strøm Bech gjørdist stýrislimur í Kommunusamskipan Føroya, tá hon gjørdist borgarstjóri, hon var næstformaður frá 1. juli 2006 til 31. desember 2008.

1. ↑ Vagur.fo, Býráðslimir 1907-2012
2. ↑ KSF.fo

• Vagur.fo, heimasíðan hjá Vágs kommunu