Karol Komajewski

Караль Камаеўскі (польск.: Karol Komajewski; ? — 12 лістапада 1862) — ваенны дзеяч.

Прадстаўнік шляхецкага роду Камаеўскіх.

У 1820 г. — паручнік, палкавы кватэрмайстар, у 1822 г. — штабсротмістр Літоўскага ўланскага палка. Генерал жандарскіх войскаў.

Член масонскай ложы «Шчаслівага вызвалення» ў Нясвіжы.

Памёр 12 лістапада 1862 года. Пахаваны на могілках Роса ў Вільні.

У першым шлюбе з Адэляй са Штакеляў меў дзяцей:

• Эдвард, палкоўнік РВ;
• Меланія (пам. 1904), замужам за Севярынам Каралем Смалікоўскім (1809—1897), удзельнікам паўстання 1830—1831 гадоў.

У другім шлюбе з Тэкляй з Высачынскіх (пам. 1867) меў сына Анастазія.

• Швед, В. В. Камаеўскі (Камайеўскі) Караль // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.