Quick Facts
AriesBiography
Dr Carl Hess (* 23. Merz 1859 z Basel; † 18. Februar 1912 z Bärn) isch e Schwiizer Musiker gsi.
s Läbe
Dr Carl Hess isch dr Soon vom Lehrer Johann Wahrmund Hess und vo dr Maria Rüetschi gsi. Er het Musigunderricht gnoo und Giige und s Orgelespiil gleert. Wärend em Studium a dr Uni Basel het er im Orcheschter vo dr Allgemäine Musiggselschaft Basel gspiilt. Ane 1880 isch er uf Leipzig a d Uni und a s Konsi go underrichte.
1882 isch er Organischt am Bärner Münschter worde, und er het a dr Uni Bärn und a dr Musigschuel glehrt. Er isch au dr Dirigänt vom Bärner Männerchoor gsi. Ane 1884 het er d Maria Rüetschi ghürootet.
Als Komponischt het dr Hess Wärch Stück für d Chilemusig, Noote für di Schwiizerische Tonkünschtlerfescht und no vil anders gschribe. Uff Gedicht vo dr Sophie Haemmerli-Marti und vo anderne Schriftsteller wie öppe em Friedrich Hölderlin oder em Johann Gaudenz von Salis-Seewis het er Partituure, Orcheschterwärch und Liederbüecher gmacht.
Dr Nachlass vom Carl Hess lyt im Schwiizerische Literaturarchyv z Bärn. Es het drinn Wärch für Instrumentaalmusig und für Gsang.
Wärch
- Das Volkslied. Sammlung schönster Melodien. Der Schweizer-Jugend gewidmet. Hrg. unter Mitwirkung zahlreicher Kenner und Freunde des Volksgesanges, zusammengestellt von C. Hess. Organist. Bern 1892.
- Liedersammlung für die bernischen Mittelschulen. 2. Aufl. Bern 1896.
- Aus der Geschichte der Orgel. Bern 1907.
- Ringe ringe Rose! 186 Kinderlieder für Mütter und Lehrer, gesammelt von Carl Hess. Basel 1912.
- Es singt es Vögeli ab em Baum. 25 Lieder von Sophie Haemmerli-Marti. Komponiert von Carl Hess. Basel 1917.
Literatur
- Puskás, Regula: Hess, Carl. In: Historisches Lexikon vo dr Schwiiz.
Weblink
- Nachlass vom Carl Hess uf nb.admin.ch