Kanak Manjari Pattnaik

କନକମଞ୍ଜରୀ ପଟ୍ଟନାୟକ (ଜନ୍ମ : ୧୯୫୩) ଜଣେ ଭାରତୀୟ ଓଡ଼ିଆ-ଭାଷୀ ସାହିତ୍ୟିକ ଓ ଶିକ୍ଷାବିତ । ସେ ଓଡ଼ିଆ ଗଳ୍ପ, କବିତା, ନାଟକ, ଉପନ୍ୟାସ, ଶିଶୁସାହିତ୍ୟ, ଅନୁବାଦ ଓ ନାଟ ଆଦି ରଚନା କରିଛନ୍ତି ।

ପ୍ରାରମ୍ଭିକ ଜୀବନ

କନକମଞ୍ଜରୀ ପଟ୍ଟନାୟକ ୧୯୫୩ ମସିହାରେ ଓଡ଼ିଶାର ଗଞ୍ଜାମ ଜିଲ୍ଲାସ୍ଥିତ ଘୁମୁସୁରର ମୁନିଗୁଡ଼ାଠାରେ ଜନ୍ମଗ୍ରହଣ କରିଥିଲେ । ବାଲ୍ୟକାଳରେ ମା' ଓ ଜେଜେମା'ଙ୍କଠାରୁ ଗୀତା, ପୁରାଣ ଆଦି ଶୁଣି ସେ ଓଡ଼ିଆ ସାହିତ୍ୟ ଆଡକୁ ଆଗ୍ରହୀ ହୋଇଥିଲେ ।

ସେ ରାଜକିଶୋର ଦାସଙ୍କୁ ବିବାହ କରିଛନ୍ତି । ରାଜକିଶୋର ଦାସ ଜଣେ ଓଡ଼ିଆ କବି, ଗାଳ୍ପିକ ଓ ପ୍ରକାଶକ ।

ସାହିତ୍ୟ ରଚନା

ଦଶମ ଶ୍ରେଣୀରେ ପଢ଼ୁଥିବା ସମୟରେ ସେ "ମହଙ୍ଗା ଯୁଗରେ ନାରୀର କର୍ତ୍ତବ୍ୟ" ନାମରେ ଏକ ପ୍ରବନ୍ଧ ଲେଖିଥିଲେ ଓ ୧୯୬୯ ମସିହାରେ ତାହା ସ୍ୱରାଜ୍ୟ ପତ୍ରିକାରେ ପ୍ରକାଶିତ ହୋଇଥିଲା । ପରେ ଏହା ଆକାଶବାଣୀ କଟକର ନାରୀ ମହଲ କାର୍ଯ୍ୟକ୍ରମରେ ମଧ୍ୟ ପରିବେଷଣ କରାଯାଇଥିଲା । ୧୯୭୨ ମସିହାରେ ତାଙ୍କ ପ୍ରଥମ ନାଟକ ଅଷ୍ଟବଜ୍ର ସମ୍ମୀଳନ ଆକାଶବାଣୀରେ ପ୍ରସାରିତ ହୋଇଥିଲା ।

କବିତା ଗ୍ରନ୍ଥ

• ତଥାଗତ
• ସନେଟ
• କଥା କହ ଜହ୍ନରାତି - ୨୦୦୪ (ବର୍ଣ୍ଣ ପ୍ରକାଶନୀ)
• ବର୍ଷାରେ ଦୁଷ୍ଟଝିଅ - ୨୦୦୮ (ସାହିତ୍ୟ ଶ୍ୱେତପଦ୍ମା, ପାରଳାଖେମୁଣ୍ଡି)
• ଶବ୍ଦ ଛଳଛଳ
• କାକଳି ଓ ଅନ୍ୟାନ୍ୟ କବିତା (ଅପ୍ରକାଶିତ)
• ଇନ୍ଦ୍ରଧନୁ - ୨୦୦୯ (ଏଥେନା ବୁକ୍ସ)
• ଶାଶ୍ୱତ ଦ୍ୱାପର - ୨୦୧୦ (ତୃପ୍ତି)

ଗୀତି କବିତା

• ଚିତ୍ର ନଦୀ
• ଗୀତି ନୈବେଦ୍ୟ

ଗଳ୍ପ ସଂକଳନ

• ମାଟି ଦୀପ
• ଅଥ ଅବଧୂତ
• ନଦୀର ନାମ ସରସ୍ୱତୀ
• ଗଳ୍ପ ଯୁଗଯୁଗର (ସନ୍ତୋଷିନୀ ପଣ୍ଡା ଏବଂ କନକ ମଞ୍ଜରୀ ପଟ୍ଟନାୟକଙ୍କଦ୍ୱାରା ସମ୍ପାଦିତ) - ୨୦୧୩ (ଏଥେନା ବୁକ୍ସ)

ଉପନ୍ୟାସ

• ବେଳାଭୂମିର ଚିହ୍ନ
• ସମୟର ଶିଳାଲିପି (ଅପ୍ରକାଶିତ)

ଅନୁବାଦ

• ଗ୍ରୀକ ବୀର ପର୍ସିୟସ
• ସମକାଳୀନ ହିନ୍ଦୀ କାହାଣୀ
• କମ୍ରେଡ଼ଙ୍କ କୋର୍ଟ ଓ ଅନ୍ୟାନ୍ୟ ଗଳ୍ପ
• ଅନୁଦିତ ଲଘୁକଥା

ଗୀତିନାଟ୍ୟ

• ଯସମା (ଆକାଶବାଣୀ ଜୟପୁରରେ ପ୍ରସାରିତ)
• ଗୋପ ବିଭୁତି (ଦୂରଦର୍ଶନ ଭୁବନେଶ୍ୱରରେ ପ୍ରସାରିତ)

ପ୍ରବନ୍ଧ

• ପଲ୍ଲୀ କବି କାବ୍ୟବିଭା ୦ ୨୦୧୩ (ଗଜପତି ପ୍ରକାଶନ)

• ଅଙ୍କୁର ସାହିତ୍ୟ ସମ୍ମାନ (ପାରଳାଖେମୁଣ୍ଡି)
• ସୁପ୍ରୀତିଦେବୀ ସ୍ମୃତି ସମ୍ମାନ (କଳିଙ୍ଗ ସାହିତ୍ୟ ସମାଜ, ବ୍ରହ୍ମପୁର)
• ତୀରତରଙ୍ଗ ସମ୍ମାନ (ଅନୁବାଦ ନିମନ୍ତେ)
• କୋଣାର୍କ ନାଟ୍ୟମଣ୍ଡପ ସମ୍ମାନ
• ବିଷ୍ଣୂପ୍ରିୟା ସାମନ୍ତସିଂହାର ସମ୍ମାନ
• ସୁପ୍ରଭା ରାୟ ଅନୁବାଦ ପୁରସ୍କାର
• ଅଜିତ ଅନୁବାଦ-ଭାରତୀ ପୁରସ୍କାର (ପ୍ରଜାତନ୍ତ୍ର ପ୍ରଚାର ସମିତି ପ୍ରଦତ୍ତ)
• ମନସ୍ୱିନୀ ରାୟ ସ୍ମୃତି ସମ୍ମାନ (ଓଡ଼ିଶା ଲେଖିକା ସଂସଦ ପ୍ରଦତ୍ତ)