Quick Facts
Biography
Kalu Karan Singh, Fiji ke ek master, insurance agent, kisan ke neta aur politician rahaa. Uu Ba ke rahaa aur Ba me Arya Samaj ke achchhaa sahayog diis rahaa. Uu aapan parrhae likhae ke khatam kar ke ek master banaa aur bahut din talak DAV Primary School, Ba ke Head Master rahaa. Iske baad uu ek insurance agent banaa aur aapan office Ba town me kholis.
December 1966 me, Ba Township Board ke pahila election me, uu Yalalevu Ward se chuna gais rahaa, lekin 1969 ke Board ke election me uu election haar gais rahaa.
1972 ke election me uske National Federation Party (NFP), North - Western Indian National seat ke khatir aapan candidate chunis. Ii election ke uu sahaj me jiit liis. Uu S. M. Koya ke katttar samarthak rahaa aur 1977 me jab NFP dui gut me bat gais tab uu Dove Faction ke member banaa aur aapan seat ke haar gais. Uu Fiji Sugar Gane Growers Council me bhi Federation of Cane Growers ke taraf se chuna gais rahaa.