Quick Facts
Biography
Алиев Качыбек (1939-ж. туулган, Ысык-Көл облусу, Жети-Өгүз району, Дархан айылы) - экономист, экономика илимдеринин доктору (1993). КМУУну (1963), Москва экономика-статистика институтунун аспирантурасын (1966) бүткөн. КМУУнун экономика жана менежмент факультетинде окутуучу, доцент, кафедра башчысы, декан, «Кыргызстан» АКБ башкармасынын начальниги болуп иштеген. КРСУда профессор, 2000-жылдан КМУУ ИППККда кафедра башчысы. Калкты каттоо жана алардын иш менен камсыз болуусун изилдөө боюнча адис. 20дан ашуун илимий иштери жарык көргөн (2002). Негизги эмгектери Кыргызстандын калкына жана эмгек ресурстарына, эмгек статистикасына, экономикалык билим жана маркетингге арналган. Эмгектери: Население и трудовые ресурсы Киргизии. Ф., 1985; Основы маркетинга. Б., 1997; Экономика. Б., 2001.
Колдонулган адабияттар
- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1