Kabdirachman Adilbaev

Әділбаев Қабдырахман (1910-1967)- Социалистік Еңбек Ері (1948), егінші, Ақмола облысы, Ново-Черкасск ауданы (қазіргі Астрахан ауданы), Өндіріс колхозының егіншілер бригадасының бригадирі (1945). 1910 жылы Ақмола облысы, №16 ауылда туған.

• Еңбек жолын колхозшы болып бастап, одан кейін Балқаш қаласында құрылысшылар бригадирі, тракторшылар бригадасының есепшісі болып істейді.
• 1940-1941 жылдары Петров ауылдық советінің председателінің орынбасары болады.
• Ұлы Отан соғысы басталғанда соғысқа аттанып, 1942 жылы ауыр жараланып еліне қайтқан ол 2 жыл Петров ауылдық советінің председателі болып істейді.
• 1944 жылы колхозға жұмысқа шығып, 1945 жылдан егіншілер бригадасын басқарады. 1946 жылы оның бригадасы мол түсімді 18 гектар жердің әр гектарынан 31 центнерден, қалған барлық алқаптың әр гектарынан межеленген 8,7 центнердің орнына 14,2 центнерден астық алып, жоспарды асыра орындайды.

• "1941-1945 жж Ұлы Отан соғысындағы қажырлы еңбегі үшін" медалі
• Ленин ордені
• "Орақ пен Балға" алтын медалі
• Социалистік Еңбек Ері (1948)

1. ↑ Герои Социалистического труда по полеводству Казахской ССР. Алма-ата. 1950.412 стр