Juons Ryucans

Juoņs Ryučāns (pa eistynajam vuordam Ivars Magazeiņs; dzims 1962 g. marta 27 d. Rēznis nūvoda Vīmyna pogostā) – latgalīšu ailinīks, puorvārsuojs, publicists, ļaudyskais dareituojs. Atmūdys laikā aktivai vadynuojs latgalīšu literaruos volūdys i kulturyskuos dzeivis atdzimšonu.

Vuicejīs Maltys vydsškolā, beidzs Latvejis Universiteta Uorzemis volūdu fakuļtetu (1985), Ventspiļs augstškolā dabuojs puorvārsuoja specialiteta. Darejs laikrokstā Daugavpils Vēstnesis, laikroksta Diena Daugpiļs birojā, Daugpiļs mīsta pošvoldā. Dorbuojīs žurnalā Jaunuo dzeive, laikrokstā Latgolas Bolss. Latvejis Rakstinīku savīneibys bīdris nu 2006 gods. Div dāli (dveini).

Publikacejis - suocūt nu 20 gs. 80-tūs godu beigu laidīņūs Katōļu Dzeive, Mōras Zeme, Jaunuo Dzeive, Latgolas Bolss, Daugavpils Vēstnesis, Latgales Laiks, laikagruomotā Tāvu zemes kalendars, rokstu lasīnī Olūts i cytur.

• Gruomotys
  • Seikšaļteņu nūstuošonys (2001)
  • Nūstuošonys apleik tehnogodam (2005)

• Svareiguokys publikacejis kūplasīņūs
  • Pagrauda (sast. O. Seiksts, 1999)
  • Saulis spaiti iz spīgeļu. Лучи по зеркалам (sast. I. Magazeinis, F. Osina, 2007).