Quick Facts
Biography
Julio Galán Gómez (La Coruña 1908-Milán, 1975) foi un reputáu arquiteutu español, fíu del tamién arquiteutu Julio Galán Carvajal. Nació en La Coruña por cuenta que'l so padre yera nesi momentu arquiteutu municipal de la ciudá. Xuntu col so padre, tien una cai dedicada col so nome n'Uviéu.
Trabayaron xuntos mientres un curtiu periodu de tiempu a finales de los años 30. Julio Galán Gómez moró n'Uviéu, onde tenía'l so estudiu, y foi arquiteutu municipal de Llangréu nos años 50.
Obres
Foi especialmente conocíu pola reconstrucción tres la Guerra Civil de los edificios de les caxes d'aforros d'España: Uviéu, Álava, Segovia, La Coruña, Lugo, Soria, Albacete, Castellón, Ávila, Santiago de Compostela, Burgos y Lleón. Destaquen dellos edificios urbanos n'Uviéu, Avilés, Santander o La Felguera y Sama (Llangréu).
Referencies
- ↑ Rubiera, P. (23 d'avientu de 2012). «Dos maestros arquiteutos». Consultáu'l 26 de payares de 2017.
