Judith Balares-Salamat

Si Judith Balares-Salamat (namundag kan Enero 11, 1965) sarong kagubáy na Bikolanang parasurat, paratokdô asin premyado kan Premio Tomas Arejola para sa Literaturang Bikolnon. Dati siyáng profesora kan Departmento kan Humanidades, kan Institute of Arts and Sciences kan Camarines Sur State Agricultural College. Dati siyáng tagapangataman-yaman kan Kabulig Bikol. Nageerok siyá sa Pili, Camarines Sur.

Nagtapos si Judith Balares-Salamat nin Doktorado sa Pilosopiya(Ph.D.) sa lado nin Comparative Literature asin Cultural Anthropology sa Unibersidad nin Pilipinas, Diliman, Quezon City. May Masteral (M.A. Honours) man siya sa lado nin English (Post-Colonial Literatures) hali sa University of Wollongong, New South Wales, Australia. Nagtapos siya kan saiyang Bachelor's Degree sa Edukasyon sa CSSAC (ngonian, Central Bicol State University of Agriculture o CBSUA), asin Major in English sa Naga College Foundation, Syudad nin Naga.

Nanggana nin premyo an ibang obra niya, arog baga kan primer premio sa Sanaysay sa Premio tomas Arejola para sa Literaturang Bicolnon (PTALB), 2007, asin an premio bilang Parasurat kan Taon sa parehong okasyon. Premyado man siya kan Civil Service Commission (Region V) sa pagsurat nin sanaysay kan 2009. Ginawadan siya kan LGU kan Pili bilang Distinguished Mayoral Awardee sa Edukasyon kan taon 2008.

Nagtutukdo ngonian an awtor sa Kolehiyo asin Graduate School sa CBSUA, sa Pili, Camarines Sur.

An saiyang saysáy na "Ringgaw nin Imahinasyon, Kawat sa Pagtukdo" iyó an ginawádan nin Enot na Premio sa Ikaapat na Premio Tomas Arejola para sa Literaturang Bikolnon kan 2007. Siyá man an pinangaránan na Parasurat kan Taon. Sa Enot na Mayoral Awards kan lokal na gobierno kan Pili, Camarines Sur tinàwán si Salamat kan Pagbisto sa lado nin Edukasyon.

1. Sinaraysay: Halo-Halong Blog nin Buhay (2011) 190 pahina.

• Paratukdo, Pagsurat Bikolnon 2008: A Teacher-Writer's Conference for Bicol Literature Kolehiyong Fundasyon nin Naga

• Judith Balares-Salamat sa Facebook