Quick Facts
AriesBiography
Хуан Рэгула Перэс (ісп.: Juan Régulo Pérez; 30 сакавіка 1914, Гарафія, Канарскія астравы — 27 студзеня 1993, Сан-Крыстабаль-дэ-ла-Лагуна) — іспанскі лінгвіст, адзін з спецыялістаў па літаратуры на эсперанта, прафесар універсітэта Ла-Лагуна.
Біяграфія
Сын бедных сялян, пачаў працаваць у 1934 годзе настаўнікам. Падчас Грамадзянскай вайны ў Іспаніі быў арыштаваны за сімпатыю рэспубліканскага руху, і яму забаранілі займацца выкладчыцкай дзейнасцю. У 1945 годзе атрымаў права выкладаць ва ўніверсітэце Лагуна.
У 1993 годзе Рэгула пачаў вывучаць эсперанта і даваў курсы ў пасляваенныя гады. З 1945 года даваў курсы эсперанта ў універсітэце, дзе затым стварыў спецыяльную кафедру — першую ў Іспаніі. У 1952 годзе заснаваў Editorial Stafeto — найбуйнейшую крыніцу па сусветнай літаратуры на эсперанта, вядомую дзякуючы высокай якасці. На працягу наступнай чвэрці стагоддзя ён перакладаў мастацкія творы ўсіх вядомых сусветных аўтараў на эсперанта.
Яго другая праца — «La bapto de caro Vladimir» (эспер.: Хрышчэннее князя Уладзіміра), пераклад верша чэшскага сатыра Карэла Гаўлічака-Бароўскага, стала падставай для скандалу, паколькі старшыня Федэрацыі эсперантыстаў Іспаніі запатрабаваў не публікаваць працу як сатыру на рэжым Франка. Рэгула адмовіўся, нягледзячы на пагрозы, і неўзабаве быў звольнены. Пасля яго звальнення універсітэт Ла Лагуна апублікаваў памятны зборнік «Serta gratulatoria in honorem Juan Régulo», куды ўвайшлі працы Хуана Регула Перэса на іспанскай, эсперанта і іншых мовах па сусветным пісьменнікам і паэтам, геаграфіі, філалогіі, антрапалогіі і гісторыі.
Хуан Регула Перэс выкладаў лацінскую і раманскую філалогію, даваў урокі вульгарнай латыні, лацінскай мовы і літаратуры. Супрацоўнічаў з дактарамі навук Хуанам Альварэсам Дэльгада, Хакінта Альсола, Мануэлай Марэра з факультэта філасофіі і літаратуры. Аўтар мноства прац па геаграфіі, антрапалогіі і гісторыі Канарскіх астравоў, у тым ліку роднага вострава Пальма.
Зноскі
- ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #140011935 // Агульны нарматыўны кантроль — 2012—2016.<a href="https://wikidata.org/wiki/Track:Q27302"></a><a href="https://wikidata.org/wiki/Track:Q304037"></a><a href="https://wikidata.org/wiki/Track:Q256507"></a><a href="https://wikidata.org/wiki/Track:Q170109"></a><a href="https://wikidata.org/wiki/Track:Q36578"></a>
Спасылкі
- Juan Régulo Pérez — Tips.FM (ісп.)
- Біяграфія на сайце Іспанскай федэрацыі эсперанта (ісп.)
- Asociación Universitaria para el Desarrollo y Promoción del Esperanto «Dr..D. Juan Régulo Pérez» (ісп.)
- Biblioteca «Juan Régulo Pérez» Federación de la Española de Esperanto (ісп.)
- El garafiano Juan Régulo fue el más firme valor del esperantismo en Canarias (ісп.)
- Спіс работ Хуана Регуло Перэса (ісп.)
| На гэты артыкул не спасылаюцца іншыя артыкулы Вікіпедыі, |