Jossyp Bokschaj

Йосиф Бокшай (2. октобра 1891, Кобилецка Поляна – 19. октобра 1975, Ужгород) - вызначний маляр, ілустратор, заснователь підкарпатьской малярской школы, педаґоґ. Довєдна з А. Ерделійом і Ф. Манайлом належали міджі трий ключовы фіґуры той школы.

Умелецьку освіту здобыв на Будапештяньскій академії умень. По прыпоїню Підкарпатьскій Руси ід Чехословакії ся актівно запоював до културного жывота Підкарпатя. У 1927-ім році вєдно із далшым вызначным русиньскым малярьом А. Ерделійом засновав в Ужгороді Публічну школу мальованя. Є і автором ілустрацій школьскых учебників і монументалных іконостасовых образів на Підкарпатьскій Руси, выходнім Словеньску і Мадярьску.