Quick Facts
Biography
Joseph Schetter (riwalnijhåve Djôzef Cheter a skepyî a Angleur li 23 d' fevrî 1906 ey a morou a Lidje li 21 di måss 1986.
Di s' mestî, il esteut ås douwanes, mins i scrijheut voltî e francès ey e walon, po les gazetes et pol teyåte.
Vicåreye
Tins del guere di 40, i fjha del rezistance.
Ouve e walon
Come sicrijheu e walon, il ataca e 1935 avou ene pîce e-n èn ake « Divwer », ki serè creyeye e Trocadero d' Lidje.
E 1938, ene comedeye e deus akes « I lome må ».
Pu fé des pîces pus avanciveuses : « Coû d' assijhes » (Coûr d'assîses) (1936), la k' i dmande å publik di fé l' djuri.
Tant k' å « portrait di Madame X » (1950), c' est do teyåte sicolodjike.
E 1951, i scrît ene operete avou l' compôzeu Célestin Libon, ki l' tite, c' est «Al coine do bwès» (Al cwène dè bwès).
Si operete «Gretri», sicrîte e 1975, ni serè creyeye k' e 2013, a l' operå d' Lidje.
Come dierinne bouye, i redjåbe e 1979 «Le sagouin» da François Mauriac, dizo l' tite «Li mårticot».