Joseph Borwein

Joseph Jacob Borwein (Litaue, 1 Januarie 1893 – onbekend) was ’n Suid-Afrikaanse sakeman en drukker.

Borwein het sy opleiding in sy geboorteland ontvang, waarna hy in Frankryk aan die Universiteit van Montpellier en aan die Universiteit van Glasgow studeer het. In Brittanje het hy hom aangesluit by die Koninklike Lugmag, maar ná die Eerste Wêreldoorlog na Litaue teruggekeer. In 1928 het hy na Suid-Afrika geëmigreer en verskeie beroepe beoefen, onder meer die stigting van ’n ingenieursaak. Hy was van 1930 tot 1936 werksaam by die A.R.O.P. Oil Co. as bestuurder van die kusstreek vir installasies in Durban. In 1947 was hy saam met Nathan Berger medestigter van Pacific Press (Edms.) Bpk., ’n firma was gespesialiseer het in die uitgee en druk van werke in Hebreeus en Jiddisj.

Hy is in Oktober 1922 met Rachel, dogter van S. Landau, in die huwelik verbind. Hulle het ’n seun en ’n dogter gehad. Die egpaar Borwein het in die vroeë 1960's by Minorsstraat 53, Yeoville, gewoon.

• (af) (en) Kruger, dr. D.F. 1963. Wie is wie in Suid-Afrika. Johannesburg: Vitae Uitgewers.