Josep Franquesa i Solé

Josep FRANQUESA i SOLÉ (Sant Feliu de Codines, Vallès Oriental, 1937) estas kataluna entreprenisto kaj esperantisto. Li estas la patro de la esperantistino Montserrat Franquesa. Li estas C-komitatano de UEA de 1995 ĝis 2001 kaj denove ekde 2004. De 2002 li prezidas Katalunan Esperanto-Asocion. Li prezidis la lokajn kongresajn komitatojn en la hispana kaj kataluna Esperanto-kongresoj en Lleida en 1975, respektive 1986. Li membras en la Societo Zamenhof kaj en la Internacia Komerca kaj Ekonomia Fakgrupo. Li havas multjaran praktikan uzadon de Esperanto en komerco.

1. ↑ Josep Franquesa i Solé: "Malgranda estas bela, grava kaj interesa". En: Hektor Alos i Font, Josep Franquesa i Solé, Paul Gubbins, Albert Herranz Hammer. Malgranda estas bela. Prelegaro de la 31a Kataluna kaj 4a Transpirinea Kongreso de Esperanto (Sóller, 31-an de oktobro 2002 - 3-an de novembro 2002). La Suplemento de Kataluna Esperantisto n-ro 4. Kataluna Esperanto-Asocio - O Limaco Edizions, 2003. 67 p. ISBN 84-933380-1-X. Paĝoj: 11-18