Joseba Amunarriz

Joseba Amunarriz (Hondarribia, 1978ko irailak 25a) traineru estropadetako patroi onenetakoa da, Kontxako 2 Bandera, bi TKE Liga eta Espainiako Txapelketa bat irabazi ditu besteak beste, guztiak Hondarribia Arraun Elkartearekin.

1991ean sartu zen Hondarribiako elkartean eta 1993rako jadanik Hondarribiako B traineruaren patroia zen. Ia hamarkada bat eman zuen bertan eta makina bat bandera eskuratu zituen. Bereziki onak izan ziren 1997 urtea, zazpi estropada irabaziz, eta 1999 urtea, Euskal B Ligako txapeldun gelditu baitziren.

2002an patroi titularra zen Aitor Carrillo Oriora joan zen eta Joseba Amunarriz bihurtu zen traineru handiaren patroi. Urte hartan bertan Mikel Orbañanos entrenatzaile oriotarra fitxatu zuen Elkarteak. 2004an Euskadiko Txapelketa irabazi zuen eta Hondarribiaren "urrezko aro" berri bat iritsi zen, 2005eko Kontxako Banderak eta 2006ko Ligak borobildu zutena. Ordutik aurrera maila bikaina mantendu du traineruak eta 2013an berriz lortu du Kontxako Bandera irabaztea eta 2014an TKE Liga berria.

Joseba Amunarriz bi aldiz aukeratu dute TKE Ligako patroirik onena, 2009an eta 2012an.

• Kontxako Banderak (2): 2005 eta 2013.
• Espainiako Traineru Txapelketak (1): 2012.
• TKE Ligak (2): 2006 eta 2014.
• Euskadiko Traineru Txapelketak (3): 2004, 2005 eta 2006.
• Bandera nagusiak:
  • El Corte Ingles Bandera (3): 2004, 2006 eta 2012.
  • Zarauzko Ikurrina (0): bigarrena 2004, 2005, 2006 eta 2011an.

• Hondarribia Arraun Elkartea
• Kontxako Bandera