Quick Facts
Biography
José Benito Amado Boullosa, nado en Marín o 19 de marzo de 1822 e finado en Pontevedra en 1886, foi un mariño e político galego.
Traxectoria
Procedente dunha familia de navieiros galegos, fixo estudios marítimos aínda que abandonou a profesión para se dedicar á política. Foi un activo xornalista, colaborou en La Distracción, e pertenceu a varias sociedades científicas e literarias. Foi elixido deputado por Pontevedra en 1854. En 1868 foi nomeado gobernador civil de Ourense e posteriormente de Pontevedra. Foi senador pola provincia de Pontevedra (1871-1872 e 1872-1873). Participou nos primeiros xogos florais de Galicia co poema "El canto de la negra", recollido no Álbum de la Caridad, que foi moi popular. Empregou ás veces o pseudónimo Juan de Lérez.
Unha súa irmá, Serafina, casou co tamén escritor Xoán Manuel Pintos.
Obras
En castelán
- Misterios de Pontevedra, 1845.
- Las rosas encantadas o las tres hermanas. Cuento fantástico tradicional, 1859.
- Charino o la conquista de Sevilla.
- El castillo de los Chuchurraos.
- Los Nodales.
- María o la Virgen del Valle.
- Elvira, Alfonso y Laura.
En galego
É autor de dúas composicións: "Saudades", publicado en O Tio Marcos d'a Portela (1876), e “A romería” (1882).
Véxase tamén
Bibliografía
Outros artigos
- Xoán Manuel Pintos