Jon Arne Corell

Jon Arne Corell (fødd 5. februar 1947) er ein norsk visesongar, komponist og forfattar som blant anna var sentral i den politiske engasjerte visesongrørsla i Noreg på 1970-talet.

Corell var blant dei første i Noreg som song politiske viser då han opptredde i Viseklubben Dolphins. Her song han songar av Stig Dagerman og Fred Åkerström, og byrja å skriva musikk til dikt av Rudolf Nilsen. Jon Arne Corell samarbeidde tidleg med PS-gruppa, beståande av Erik Hauglund, Øyvind Jensen, Arvid Esperø, og Steinar Ofsdal, og saman med desse turnerte han ein del rundt i Noreg.

Corell er kanskje mest kjend for tolkinga si og tonesetjing av diktaren Rudolf Nilsen, først og fremst med plateprosjektet På stengrunn. Dette vart ført vidare seinare i utgjevinga På gjensyn, som òg inneheld originalopptak av Ella Hval. Plata Endå ein vår – tilby ein song vart nominert til Spellemannprisen 1975 i klassa viseplate.

Corell har sidan arbeidet som forlagsredaktør og produksjonssjef i Aschehoug forlag. Han er far til historikaren Synne Corell.

• Kampen fortsetter (1972) med PS-gruppa
• På stengrunn (1973, med Kari Svendsen, Lillebjørn Nilsen, Lars Klevstrand m.fl.)
• Enda en vår – tilby en sang (1975)
• Trollflir (1978), sanger til dikt av Johanna Schwarz og Asbjørn Elden
• Siden sist (2001)
• På gjensyn – Nye sanger til dikt av Rudolf Nilsen (2007)

• Data i sporet, kriminalroman Oslo 1985.
• Datasmuglerne, kriminalroman Oslo 1989

• JACmusikk – personleg heimeside
• Ballade.no: Jon Arne Corell
• «Tilbake på stengrunn», Dagsavisen 30. april 2013