Quick Facts
Biography
| Dialäkt: Baseldütsch |
Dr Johann Rudolf Frey (* 2. Dezämber 1781 z Baasel, † 8. Novämber 1859 z Baasel) isch e Baasler Politiker gsi.
Dr Frey isch dr Soon vom Groossroot und Handelsmaa Hans Rudolf Frey und dr Anna Maria Iiseli gsi. Er het e Handelsleer gmacht und isch im Usland umegräist. 1805 het er dMargaretha Stückelberger, d Dochder vom Kaufmaa Johann Rudolf Stückelberger ghürootet. 1821 isch er Vizebresidänt vom Zivil- und Appellazioonsgricht vom Kanton Baasel worde.Vo 1827 aa isch er as Konservative im Chläine Root gsässe und isch 1829 e Mitgliid vo dr Spezialkommission für Handel und Transit worde. Vo 1830 bis 1849 isch er Bürgermäister vo Baasel gsi in dr Zit, wo sich d Laag im Baaselbiet rapid verschlächteret het, bis es 1833 zur Däilig vom Kanton Basel choo isch. Er het dr Kanton Baasel-Landschaft nid für überlääbensfäig ghalte, het aber müesse iigsee, ass er drotz alle Schwiirikäite schliesslig doch z rächt choo isch. Zwüsche 1831 und 1845 isch er im Zwäijooresrhüthmus Gsandte bi dr Daagsatzig gsi. 1843 het er bi dr Organisazioon vom Sonderbund vermiddlet. Dr Kanton Baasel-Stadt isch zwar vo dr Ideologii us de reakzionääre Innerschwizer Kantöön noochgstande, isch aber nöitral bliibe wo dr Sonderbundschrieg usbroche isch.
Kwelle
- Kathrin Weber: Frey, Johann Rudolf. In: Historisches Lexikon vo dr Schwiiz.