Quick Facts
PiscesBiography
Jan Awgust Jenč (němsce Johann August Jentsch; * 10. měrca 1836 w Budyšinje, † 22. decembra 1918 w Niederlößnitzu) bě serbski wučer, stawiznar kaž tež ludowědnik a přirodowědnik.
Narodźiso jako syn měšćana-chěžkarja w Budyšinje, hdźež wopytowaše wot 1853 do 1856 Krajnostawski wučerski seminar. Wot 1856 do 1901 běše z wučerjom w Drježdźanach.
Skutkujo zwonka domizny slědźeše Jenč wjele w Drježdźanskich bibliotekach a archiwach. Jeho wědomostne nastawki wozjewichu so we wšelakich němskich a serbskich časopisach a dźěl Jenčoweho slědźerskeho zawostajenstwa nadeńdźe so w Serbskim kulturnym archiwje w Budyšinje. W lěće 1910 rozestaješe so w časopisu Łužica kritisce z antiserbskim romanom Paula Kellera Die alte Krone. Nimo toho dopisowaše do Časopisa Maćicy Serbskeje (1885–96 a 1910–12). Wot lěta 1877 bě z čłonom Maćicy.
Wozjewjenja
- Jaden dub tśi narody, jaden kamjen tśi duby. Łužica 7 (1888), str. 28–29, 34–35.
- Stara dróha. Łužica 9 (1890), str. 67–69.
- Rostlinje rjos a bageń w Frankowej zahrodźe Łužiskej. ČMS 65 (1912), str. 25–29.
Literatura
- Frido Mětšk: Jenč, Jan Awgust. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 229
- Arnošt Muka: Nekrolog. ČMS 71 (1918), str. 112sl.
Wotkaz
- Zawostajenstwo Jana Awgusta Jenča w Serbskim kulturnym archiwje (pdf-dataja)