Jiří Pištora

Jiří Pištora (naskiĝis la 7-an de marto 1931 en Dobruška - mortis la 12-an de novembro 2011 en Česká Třebová) estis kunfondinto, en 1960, de la Esperanto-rondeto en Česká Třebová kiu apartenas vicon da jaroj al la plej viglaj en Ĉeĥio, kaj fondinto de Esperanto-kolekto en la Urba Muzeo de Česká Třebová. honora membro de ĈEA.

Li lernis fakon de maŝina mekanikisto, poste studis en fervojista teknikumo kaj laboris kiel memstara esploristo en fako de fervoja riparado (1956-1991). Ekde 1985 li fariĝis administranto kaj fine direktoro de la Urba Muzeo en Česká Třebová ĝis 2003. En 1993 li fondis tie Esperanto-kolekton.

Esperanton li lernis en 1947 en Nymburk. En 1960 li iniciatis fondon de Esperanto-rondeto „Amikeco“ en Česká Třebová kune kun Jindřich Štancl kaj František Jindra. En la rondeto li fervore kaj sindoneme laboris senĉese ekde la jaro 1960, kelkajn jarojn kiel prezidanto. Li faris prelegvojaĝon tra Bretonio.

Li estis unu el la kunfondintoj de la Tutŝtata Ĉeĥoslovaka Fervojista Esperanta Landa Asocio, en la jaro 1965, kiu estis akceptita al IFEF la 26-an de majo 1965, dum la 17-a kongreso de IFEF en Hamar. Ses jarojn li funkciis kiel komitatano de IFEF. Li organizis plurajn entreprenojn por fervojistoj-esperantistoj, ekz. trajnan ekskurson de esperantistaj fervojistoj al Danio, Svedio kaj Norvegio en 1968, partoprenon de fervojista grupo en la 21-a kongreso de IFEF en Avignon, Francio, en la jaro 1969. Multajn jarojn li aktive agadis en la landa sekcio de IFEF, precipe kiel distribuanto de la asocia revuo "Internacia Fervojisto".

En la jaro 1993 li fondis Esperantan sekcion en la Urba Muzeo en Česká Třebová, kie li estis direktoro. En tiu tempo Esperantista Klubo en Prago perdis sian klubejon, ĉar post falo de komunista reĝimo la domon rericevis la iamaj posedantoj, kiuj ne longigis la kontrakton kun la klubo, sekve perdis sian lokon ankaŭ riĉa Esperanto-biblioteko de Jaroslav Šustr. ĈEA serĉis novan lokon por la biblioteko kaj tiam Jiří Pištora proponis deponi ĝin en la Urba Muzeo de Česká Třebová. La biblioteko fariĝis bazo de kolekto, kiu poste riĉiĝis per multaj materialoj, kiujn sendis esperantistoj kaj kluboj.

• 2002 - Honora membro de ĈEA
• 2008 - Honora diplomo de IFEF
• 2010 - Honora diplomo okaze de la 50-a datreveno de Esperanto-rondeto „Amikeco“

• Kiamaniere igi en LG pli allogan E-movadon (Starto 4/1980, p. 27)
• Interparolo kun estro de Urba Muzeo en Česká Třebová (Starto 3/1994, p. 22-23)
• Nia Esperanto-muzeo daŭre riĉiĝas“ (Starto 1/19944, 4. p.)
• 10 let oddělení „ Historie esperantského hnutí v Českých zemích“ Městského muzea v České Třebové (10 jaroj de fako „Historio de Esperanto-movado en Ĉeĥaj landoj“ en la Urba Muzeo de Česká Třebová - en informilo de Česká Třebová 2004)

• Urba Muzeo en Česká Třebová - historio kun mencio pri Jiří Pištora
• Urba Muzeo en Česká Třebová - kolektoj kun mencio pri historio de Esperanto sub punkto 6
• Urba Muzeo en Česká Třebová - biblioteko kun menico pri libroj en Esperanto
• 10 jaroj de Esperanto-kolekto en Urba Muzeo de Česká Třebová
• Kluba retejo de Esperanto-rondeto „Amikeco“ en Česká Třebová kun mencio pri Jiří Pištora