Jeff Desom

De Jeff Desom, gebuer 1984, ass e lëtzebuergesche Filmregisseur a Visual-artist.

Mat 17 Joer huet hien a senger Fräizäit mat Kolleegen de Film The Plot Spoiler gedréint, un deem en 3 Joer geschafft huet an deen 2007 de Lëtzebuerger Filmpräis als beschte Kuerzfilm krut. Nom Lycée ass hien op Bournemouth op d'Héichschoul gaangen, wou en e Bachelor of Arts a Film & Television Production mat Spezialisatioun op Regie gemaach huet. 2009 huet hien e weidere Kuerzfilm, X on a Map realiséiert.

Zënterhier mécht hie Kuerzfilmer, Videoclippen a Video-Installatiounen.

2013 war hie Laureat vun der Bourse Edward Steichen Award Luxembourg Resident in NYC.

• 2014: Source of Life, Reklammsspot fir Sources Rosport
• 2014: Holorama, Installatioun am Kader vun "Discovery Zone, Luxembourg City Film Festival 2014"
• 2013: Where Cinema Lives On! Publicitéit
• 2012: Health, Tears, Musekvideo fir d'Grupp Hauschka
• 2012: Radar, Musekvideo
• 2011: Rear Window Timelapse (Vimeo Award)
• 2010 The Key, Musekvideo fir Hauschka
• 2010: Rear Window Loop, Remix (Prix Ars Electronica 2012 - Golden Nica)
• 2010: Ghost Piano, Hauschka
• 2009 Morgenrot, Musekvideo fir Hauschka
• 2009 X on a Map, Kuerzfilm
• 2007 Bloksky, Kuerzfilm (Akira Kurosawa Memorial Award)
• 2006 The Plot Spoiler, Kuerzfim (Lëtzebuerger Filmpräis)

• jeffdesom.com, säin Internetsite.
• Portrait am Luxuriant 1/2014.