Quick Facts
GeminiBiography
| Dëse Konschtartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
De Jean-Nicolas Bernard, gebuer den 28. Mee 1803 an der Stad Lëtzebuerg, an och do gestuerwen den 10. Juni 1866, war e lëtzebuergesche Moler.
Hie war haaptsächlech als Portraitist bekannt.
Säi Liewen
Ëm 1822 huet de Jean-Nicolas Bernard säi Studium an der stättescher Zeecheschoul ugefaangen. 1826, ënnert dem Professorat vum Jean-Baptiste Fresez, krut hien déi héchst Auszeechnung, d'Médaille en argent grand module. No engem kuerzen Openthalt op der Académie royale des beaux-arts zu Antwerpen dat selwecht Joer, huet hie sech op eng Plaz als Professer am Iechternacher Kolléisch gemellt. Hie gouf och als Professer agestallt, als Nofollger vum Joseph Maisonnet, dee gestuerwe war.
De Jean-Nicolas Bernard huet awer nëmmen e puer Méint Course ginn (Dezember 1826 - Abrëll 1827), well hie sech net mat den Iechternacher Autoritéiten eens gouf, wat seng Pai a säi Logement ugaangen ass.
Am Oktober 1839 huet hien eng privat Zeechen- a Molschoul an der Dräikinneksgaass an der Stad opgemaach, an där Strooss wou säi Papp fréier eng Bäckerei hat.
Wierker
- “Portrait de Mme J.-B. Bodson” (1839)
- “La vallée du Pfaffenthal” - De Pafendall, vun der Schlassbréck aus gesinn
- “Le Grund” - De Gronn, vum selwechte Punkt aus gesinn
- “Un panorama de la ville de Luxembourg” - E Panorama vun der Stad, vum Fetschenhaff aus gekuckt
Ausstellungen
Literatur
- Anonym, 1963. Étapes de la peinture luxembourgeoise. 19e siècle: [Exposition] du 1er au 16 juin 1963. Musée d'histoire et d'art, Luxembourg. Impr. Linden, Luxembourg. Follgend Artiste gi behandelt: Jean-Baptiste Fresez, Mathieu Kirsch, Hilaire Kreins, Jacques Sturm, Jean-Nicolas Bernard, Nicolas Liez, Jean-Auguste Marc, Pierre Brandebourg, Michel Sinner, Michel Engels, Michel Weyler, Frantz Seimetz, Thérèse Glaesener-Hartmann, Ferdinand d'Huart, Jean-Pierre Huberty, Alphonse Jungers, Dominique Lang
- Association des professeurs d'éducation artistique de l'enseignement secondaire et supérieur. Regard sur deux siècles de création et d'éducation artistiques au Luxembourg . Luxembourg: Imprimerie Saint-Paul, 1987 S.82-83 ISBN 2-87963-000-2
Kuckt och
- Lëscht vu lëtzebuergesche Konschtschafenden
Um Spaweck
| Commons: Jean-Nicolas Bernard – Biller, Videoen oder Audiodateien |
Referenzen an Notten
