Jean-Marie Arrus

De Jean-Marie Arrus (* 14. Oigscht 1956 z Colmer) ésch e elsassischer Kàbàrettischt un Schàuischpehler.

Dr Jean-Marie Arrus chunnt von ere Familie, wo no Elsässisch chönne het. Si Vater isch Muusiker gsi. As chliine Stumpe het er welle Gloon wärde. Er het as Moderator für e lokals Radio und bi festlige Aaläss gschafft.

1989 isch er bekannt worde dank dr Färnseesändig La classe uf FR3. Er het uf dr Büüni afo ufdräte und s Festival du rire de Colmar gründet, wo spööter s Festival de l'humour de Colmar worde isch.. Noch e baar Joor het er d Büüni ufgee und het e Kolmarer Diskothek gläitet.

2005 isch er mit dr Uffüerig «Que des histoires», won er din elsässischi Figuure kreiert het wie dr «Berry» le "Bür" (en elsässische Buur), d Husfrau «Madame Ida» und anderi. 2008 isch er mit ere witere Uffüerig ufdräte, «Encore et toujours des histoires», won er mit em Jean-Philippe Pierre zämmegschafft het, eme Radiomoderator uf France Bleu Alsace. Im Dezämber vo däm Joor isch er mit em Christian Maurer in «Les Papossibles» ufdräte. 2014 het er si Schou mit Erfolg z Montreal zäigt. Denn isch er uf Duur im Elsass und dr Moselregion gsi. 2016 het er mit em Jean-Philippe Pierre e nöiji Schou, «Les Ratsch», uf d Büüni brocht