James Bulger

Dit artikel is gesjreve in 't Heëlesj. 't Weurt gewaardeerd óm in dit artikel 't Heëlesj aan te hauwe of aan te gaeve welk anger dialek gebroek is.

James (Patrick) Bulger (*Liverpool, 16 mieët 1990; † Bootle, 12 februari 1993) woar 'ne peuter deë durch twieë tieënjoarige kinker woeëd óntveurd en óp gruwelige wieës woeëd vermoard. De moardzaak woar ing va de bizarste en maatsjappelig ópruijenge moardzake va de Britse gesjichde en i d'r weëlt. Nag tót óp hütse daag helt dees zaak de gemodere beëzig en is 't aaleiding vuur wiedluëpende maatsjappelige initiateve teënge zinluës gewalt.

James Bulger woeëd óp 12 februari 1993 um 15.40 óntvuët in e winkelcentrum i Bootle, 'n vuursjtad va Liverpool. De óntvuëders woare de tieënjoarige Jon Venables en Robert Thompson, die deëzèlfde daag sjpiebelde va dön sjoeël. De moder va 't kink woar nag bei d'r sjlager inne aakuëp aa 't doa, toen de Venables en Thompson 't dreijoarige kink vaspakde bei d'r erm, en doamit zich begóve noa de oetgank va 't winkelcentrum. Dit woeëd durch 'n beveiligingscamera vasgelag um 15.42. D'r Thompson leep get vuurtoet, en Bulger mit Venables aa 't hank. Inmaal boete 't winkelcentrum woare de twieë d'r plan um 't kink i 't kót bei geleëge kanaal te loate verdrinke. Dit lökde allewaal neet, weil Bulger zich neet noa d'r oever wilde begeëve. I reaksie hei-óp pakde zeë James óp en leet 't óp zing kop valle, oeë-noa 't kink weinde. Mieërder male góf 't getoege, deë evvels 't good ópgezatte verhaal geleufden dat James bei dön huëde. Óch óp 't doanoa veer kilometer lange toch deë zie makde, woare d'r i totaal 38 getoege (óch aagedeëd mit Liverpool 38). D'r bujel óp James zing hoaf va de ieëdere mishengeling, woar bedak mit zing kaputs. Óp deë toch sjtopde Venables en Thompson um d'r peuter fysiek te mishengele, oeë-ónger sjöppe en sjloa.

't Weine va 't kink en de wónge, trók wieër geë sjpeciale aadach bei de getoeger. Óft woeëd durch de Liverpool 38 veróngesjtald dat Thompson en Venables de breudesj va James Bulger woare. Um 17.30 (noa de veer kilometer lange sjpatsiergang) begónne Venables en Thompson 't dreijoarige kink zjwieër te mishengele bei e verloate sjtasie. Ieësj woeëd 't gezich va 't kink besjmuëd mit blów verf. D'r noa woeëd 't had i 't gezich gesjöp (de veëterringkes va de sjuëne va Thompson woare i 't autopsie bemirk). Hei-noa woeëd Bulger mit brikker en geklówte sjpöller bekoageld en noa deen mit inne 10 kilogram zjwieër sjtaaf gesjloage. D'r sjieëdel va Bulger vertuënde 10 zjwieëre frekture. Batterieje woeëde óch i zing mónk gesjtöp. Toen 't kink bewösluës woar, woeëd 't óntkleed en trókke de óntvuëdesj bei d'r peuter de vuurhoed va d'r penis truuk, waat allich kan dede óp seksuele motieve, allewaal 't kink sjnel d'r noa óp ing ieëzerweëguëvergang woeëd gelag mit 't doel dit alles te late uëverkoame as óngelök, went inne zóg d'r peuter durchkleefde. 't Verhaal geet rónk dat Bulger nag geleefd hat óp 't ieëzerweëg. I jieëker geval woar 't kink al uëverleje, toen d'r zóg wirkelig d'r peuter durchkleefde. Twieë daag sjpieër (14 februari) woar 't zjwieër verminkte liek va d'r peuter gevónge durch kinger deë i de buët vótbelde.

33 minute woare de försjes besjeftig i 't vinke va de wirkelige doeëdsoerzaak. De verwónginge óp 't liek woare zoeë zjwieër, dat de försjes neet tót ing indoedige konklusie koame. 't Woar neet doedelig walke verwónging aaleding góf vuur de doeëd va James Bulger. De nódzakelige identifikasie woar óp aaroaje va d'r plis neet gedoa durch de awwesj, meh durch d'r unkel va 't kink, Jimmy Bulger. Óp de t'r eëdlegking va James Bulger, woeëd óch rekening gehawwe mit d'r ernsj va de tówsjtank, oeë 't lichemke i verkieëde. Um zölche reje, woeëd James Bulger beivuurbild begrave in e geheel aafgesjloeëte kies, i plaats va de gebroekelige hauf-öape kies.

Allewaal 't bilder góf deë de twieë junges mit 't dreijoarig kink filmde, woare ze neet drèk es verdach aagezin. Toen deëzèlfde tiënjoarige wieëróp dön sjpatsiergang mit dezèlfde peuter lepe, woar 't vuur de plis dudelig dat de moeëdenaars Venables en Thompson mótte zeen. 'ne Zeuktoch noa meugelige verdachte in de umgeëving va tusje de tieën zestieën joare, woeëd i geng gezat. 'ne twólf-joarige junge oet 't noaberplaatsjke Kirkdale woeëd gearresteerd, meh woar neet de richtige verdachte. D'r richtige tip koam sjpontaan: ing vrów meënde inne John Venables te herkinne en zie wuste óch dat heë de daag va e verzjwinking va James ónterech verzömte va sjoeël.

Korresponderende pazjina's óp Pruusje, Ingelsje en Hollesje Wikipedia