Jacopo d'Acqui

Dr Jacopo d'Aqui isch en italiänische Autor im spoote 13. und früeje 14. Joorhundert gsi.

Mä wäiss fast nüt über en. Es wird aagnoo, ass er in dr zwäite Helfti vom 13. Joorhundert z Acqui uf d Wält cho isch. Mä het lang aagnoo, ass er idäntisch sig mit em Iacobinus de Belengeris de Aquis, das isch aber hüte frooglig. Es wurd eender basse, wenn er dr Dominikaner Iacobinus de Aquis weer.

Dr Jacopo d'Aqui het e Chronik gschriibe, won er din d Räis vom Marco Polo uf China erwäänt. Er verzelt, ass, wo dr Marco Polo am Stärbe gsi isch, d Lüt im zuegreedet häige, er sölli zuegee, ass sini Gschichte Luuge sige, dass er aber gsäit häig, ass er nid emol d Helfti verzelt häig, vo däm, won er gsee het.

• Chronicon imaginis mundi, uusechoo öbbe 1334

• E Biografii vom Iacopo da Acqui uf traccani.it, abgrüeft am 16. Juli 2013