Iwan Karatczenia

Iван Міхайлавіч Каратчэня (нар. 13 жніўня 1948 года, вёска Таль, Любанскі раён, Мінская вобласць) — беларускі палітычны дзеяч, вучоны-эканаміст, доктар эканамічных навук, прафесар. Акадэмік Міжнароднай акадэміі арганізацыйных і кіраўніцкіх навук (1994), Міжнароднай акадэміі навук інфармацыі, інфармацыйных працэсаў і тэхналогій (1995), Міжнароднай акадэміі навук вышэйшай школы (1997).

Скончыў у 1967 годзе сельскагаспадарчы тэхнікум, а ў 1975 годзе агранамічны факультэт Беларускай сельскагаспадарчай акадэміі, у 1986 годзе — Мінскую вышэйшую партыйную школу.

У 1969—1975 гг. працаваў галоўным аграномам, намеснікам старшыні калгасу імя Беларускай ваеннай акругі Любанскага раёна. У 1975—1976 гг. — начальнікам Любанскай райдзяржсемстанціі, у 1976—1986 гг. — працаваў начальнікам упраўлення сельскай гаспадаркі, першым намеснікам старшыні Уздзенскага райвыканкама. У 1986—1990 — першым сакратаром Вілейскага гаркама КПБ.

Дэпутат Вярхоўнага Савета Беларусі (1990—1992), член Прэзідыума, старшыня Камісіі па пытаннях галоснасці, сродкаў масавай інфармацыі і правоў чалавека; дэпутат Вярхоўнага Савета Рэспублікі Беларусь (1995—1996), дэпутат Палаты прадстаўнікоў Нацыянальнага сходу Рэспублікі Беларусь (1996—2000).

У 1992—1998 гг. — Каардынатар Рабочай групы Савета кіраўнікоў дзяржаў і Савета кіраўнікоў урадаў СНД, Выканаўчы Сакратар СНД. З 2000 года на выкладчыцкай працы ў Маскве. Аўтар больш за 40 навуковых прац.

Кандыдат эканамічных навук (1994), тэма дысертацыі: «Станаўленне і ўмовы развіцця інтэграцыйнага эканамічнага саюза дзяржаў — удзельніц СНД».

Доктар эканамічных навук (1996), тэма дысертацыі: «Стратэгія і перспектывы фарміравання эканамічнага саюза краін СНД».

Некаторыя крыніцы сцвярджаюць аб імаверных кантактах Івана Каратчэні са светам злачыннасці,.

Узнагароджаны ордэнам Дружбы Народаў (Расія)

• Земля находит хозяев: [Об использовании аренды в Вилейском районе Минской области] / И. М. Коротченя, Р. И. Дорский.-Минск: Ураджай. 1989
• Экономический союз суверенных государств: стратегия и тактика становления/ И. М. *Коротченя.- СпБ: Издательство СпБ университета экономики и финансов. — 1995.
• Содружестов независимых государств: портрет на фоне перемен(Составители А. Белько и др). Ответ. редактор И. М. Коротченя.- Минск:1996.

• Народныя дэпутаты Рэспублікі Беларусь. Дванаццатае скліканне. Мн., 1992; Парламент — Нацыянальны сход Рэспублікі Беларусь. Мн., 1997;
• Кто есть кто в Республике Беларусь. Мн., 1999. С.145-146.
• Летопись Белорусской государственной сельскохозяйственной академии (1836—2000 гг.). Издание 3-е, исп. и доп. Авт-сост. В. М. Лившиц. Горки.2000.С.96.

• И. М. Коротченя: биография http://belarustoday.info/?pid=586