Ivan Michaylovitsj Djatsjenko

Иван Михайлович Дьяченко(1921, Ақмола облысы, Атбасар ауданы,Новопетропавл селосы - 1962, Ресей, Мәскеу қаласы) - 2-дүниежүзілік соғысқа қатысушы, капитан, звено, кейіннен командирі, подполковник, кейіннен полковник.1940 жылғы тамызда Орск аэроклубының оқуын бітірген соң Кеңес әскері қатарына шақырылып, Чкалов авиация училищесіне, 1942 жылдың тамыз айында штурман қызметінде Батыс майданға жіберілді. Кейін звено және эскадрилья командирі болып, Оңтүстік-Батыс, З-Украина және З-Прибалтика майдандары әскерлерінің қатарында шайқасты.1943 жылы 6 шілдеде Дьяченко басқарған «Ил» ұшақтары Харьков Белгород тас жолындағы неміс автоколоннасын жоюга бұйрық алды. Колоннаны зениттік қарудың корғауына қарамай бомбалап, тапсырманы ойдағыдай орындап шьщты. Дьяченко жаудың Бондаревка елді мекені жанындағы аэродромына карай бет алып, «Хейнкель-ІІІ» ұшағын құлатып, қонып тұрған екі ұшағын жойды. 1943 жылы 9 қыркүйегіндегі Барвенково Близнецы жолы бойындағы Дьяченко жаудың 4 паровоз, вагон және 2 автокөлігін жойды. Дьяченко 1944 жылдың карашасына дейін ұрысқа 100 рет шығып, жаудың 3 ұшағын, 6 танкісін, 5 дала зеңбірегін, бензин, оқ-дәрі коймасын, согыс техникасын және 1 ротаға жуық әскерін жойды. Эскадрильяны шебер басқарғаны және ерлігі үшін Дьяченкоға КСРО Жоғарғы Кеңесі Төралқасының Жарлығымен Кеңес Одағыныц Батыры атағы берілді (18.8.1945). Сондай-ақ ол Ленин ордені, Қызыл Ту, 1-дәрежелі Отан соғысы, Александр Невский ордендерімен және медальдармен марапатталған. Соғыс аяқталған соң Әскери академияда оқып, оқытушы қызметін атқарды. 1962 жылы полковник Дьяченко запасқа шықты.

1. ↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х