Ivan Karski

Іван Ануфрыевіч Карскі — беларускі фалькларыст канца 19 ст., карэспандэнт Паўла Шэйна. Дзядзька знакамітага філолага Яўхіма Карскага.

Іван Карскі нарадзіўся ў сям'і прычотніка ў Лашы. У 1853 скончыў духоўнае вучылішча ў Жыровіцах і быў пераведзены ў семінарыю, аднак у 1855 пакінуў яе праз слабое здароўе. Да 1863 працаваў настаўнікам у Валожыне, пазней — псаломшчыкам у розных прыходах Беларусі і Літвы. Падчас перапіскі з Шэйнам, у 1886–1897, быў псаломшчыкам у Цытавянах. Запісаў з уласнай памяці і перадаў Шэйну мноства звестак аб жыцці, побыце і культуры сялян Гродзеншчыны. Матэр'ялы Карскага ўвашлі ў трохтомны збор беларускага фальклора, падрыхтаваны Шэйнам.