Quick Facts
Biography
Իրմա Աճէմեան (1938, Պոլիս, Թուրքիա - 1990, Փարիզ, Ֆրանսա), բանաստեղծ։
Կենսագրութիւն
Աւարտելէ ետք Էսաեան Վարժարանը, հետեւած է Պոլսոյ համալսարանի մանկավարժական եւ հոգեբանական ճիւղերուն։ Աշակերտական գրասեղաններու վրայ իսկ հակած է գրականութեան, քերթողական ու արձակ փորձերով։ Աշխատակցած է, հետզհետէ, օրուան թերթերուն եւ յատկապէս «Մարմարա» օրաթերթին՝ որուն կ՝ աշխատակցի նաեւ ներկայիս։ Իր գլխաւոր ասպարէզը եղած է սակայն ուսուցչական ու դաստիարակակչական մարզը։ 1966-1976 վարած է Գատըգիւղի Արամեան-Ունճեան վարժարանի տնօրէնութիւնը։
Իրմա Աճէմեան՝ քերթողուհիի իր խօսքը չէ վերջացուցած տակաւին. 1975-ին իրմէ պոլսահայ գրականութեան փոխանցուած տաղերու փունջը սկիզբ մըն է անկասկած,- ա՛յս կ՛ըսեն այն հարիւր երեսունէ աւէլի քերթուածները՝ որոնք վկայութիւնը կը բերեն ամուր տաղանդի վաւերական ու մնայուն գործելու։
Հարիւր երեսունէ աւելի այն քերթուածները՝ որոնք մէկտեղուած են առաջին իր հաւաքածոյին մէջ, անմիջական մեր գրականութեան կը բերեն իրմէ դէպի աշխարհ բացուելու ընդունակ մտքի մը անժխտելի վկայութիւնը,- անձնական ապրումէն դէպի ենդհանրական զարկ ու բախում թեւթլու տրամադիր հոգիի մը ենտանի զգայութիւնը: