İrina Novinskaya

Novinskaya İrina Petrovna — nasir, tərcüməçi, 1988-ci ildən Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (1959), Azərbaycanın əməkdar mədəniyyət işçisi (1972).

İrina Novinskaya 1923-cü il iyunun 12-də Azərbaycanın Hacıqabul stansiyasında qulluqçu ailəsində anadan olmuşdur. Tbilisi şəhərində orta məktəbi bitirmişdir (1930-1941). Gürcüstan Bədaye Akademiyasının qrafika fakültəsinin ikinci kursunda ikən İkinci Dünya müharibəsi başladığından Sovet ordusu sıralarına könüllü daxil olmuş, topçular polkunda, xüsusi rabitə batalyonunda, hava hücumuna qarşı müdafiə ordu qərargahında hərbi xidmətdə olmuşdur (1942-1945). Tərxis olunduqdan sonra ADU-nun filologiya fakültəsində təhsilini davam etdirmişdir (1946-1951). "Molodyoj Azerbaydjana" qəzetinin əməkdaşı kimi jurnalistlik fəaliyyətinə başlamışdır. Sonra "Bakinskiy raboçiy" qəzeti redaksiyasında təbliğat və təşviqat şöbəsinin xüsusi müxbiri olmuşdur. Həmin vaxtdan ilk hekayələrini və Azərbaycan ədəbiyyatından tərcümələrini dövri mətbuatda çap etdirir. Azərbaycan Jurnalistlər İttifaqı İdarə Heyətinin üzvü, Mətbuat Yeniliyi Agentliyinin müxbiri olmuşdur. Bakı şəhəri və Səbayel rayonu zəhmətkeş deputatları Sovetlərinin deputatı seçilmişdir (1971-1979). Səməd Vurğun adına Azərbaycan Dövlət Rus Dram Teatrında direktor (1968-1979), "Gənclik" nəşriyyatında redaktor (1979-1987) olmuşdur. Xidmətlərinə görə II dərəcəli "Vətən müharibəsi" ordeni (1985), beş medal və iki dəfə Azərbaycan Ali Soveti Rəyasət Heyətinin fəxri fərmanı ilə təltif edilmişdir.

1. Первые десять (сборник стихов). Баку: Азернешр, 1964, 107 стр.
2. Адажио из "Лебединого" (сборник стихов). Баку: Гянджлик, 1981, 105 стр.
3. На чужом пиру (повесть). Баку: Гянджлик, 1982, 84 стр.
4. Её джинсовое счастье. Баку: Гянджлик, 1983, 183 стр. (совместно)
5. Композиция на военную тему. Баку: Язычы, 1988 126 стр.

1. С. Велиев. Жемчужный дождь. М.: Советский писатель, 1958, 309 стр.
2. С. Велиев. Узлы. М.: Советский писатель, 1967, 381 стр.
3. С. Велиев. Керченское утро. М.: Советский писатель, 1972.
4. С. Велиев. Седьмая дочь Амины. М.: Советский писатель, 1974.
5. А. Ахмедова. Этот странный жёлтый свет. М.: Советский писатель, 1987, 348 стр.