Irek Kinjabulatov

Ирек Кинҗәбулатов (Ирек Лотфи улы Кинҗәбулатов, баш. Ирек Лотфый улы Кинйәбулатов ) – язучы. БР атказанган мәдәният хезмәткәре (2001). Салават Юлаев премиясе лауреаты (2008).

1938 елның 15 июлендә БАССР Кырмыскалы районы Абдулла авылында туган. Иске Бабич урта мәктәбен (1957), Уфада дәүләт университетын (1966) тәмамлый. 3 ел Кара диңгез флотында(1957-1960) хезмәт итә. Университетны бетергәч, «Совет Башкортстаны»газетасында эшли: Урал арты районнарында махсус хәбәрче була,республика матбугатында: «Һәнәк», «Агыйдел» журналларында (1980 елдан)әдәби хезмәткәр, Уфада китап нәшриятында, язучылар берлегендә (1987-1998) эшли.

И. Кинҗәбулатов – лирик шагыйрь. Беренче китабы – «Басу юлы» (1970). «Сыерчыклар бала очыра» (1973), «Сөю иртәсе» (1988), «Мин-башкорт» (1993), «Аргамакта» (1998), «Хәерле иртә» (2004), «Тормыш китабы» (2013) шигырь китапларында тирән лиризм сизелә. Салават Юлаев, Габдулла Тукай, Мифтахетдин Акмулла, Шәехзадә Бабичка атап язган әсәрләре бар.

• 2008 елда Казанда «Урал курае» китабы нәшер ителде.

• Салават Юлаев премиясе (2008) – «Замана тавышы» китабы өчен.
• Зәйнәп Биишева премиясе (2000)
• Сергей Чекмарев премиясе (2000)
• Рәми Гарипов премиясе (2001)
• Фатих Кәрим премиясе (2006)
• Мәҗит Гафури премиясе (2007)
• М. Өметбаев премиясе (2007)
• Салават Юлаев ордены
• БР атказанган мәдәният хезмәткәре (2001)

ССРБ язучылар берлеге әгъзасы (1973)

2016 елның 2 июнь көнне 78нче яшендә мәрхүм.

Совет Башкортстаны язучылары (биобиблиографик белешмәлек). Уфа, 1988 (башк.)

Башкортостан Республикасының Әхмәтзәки Вәлиди исемендәге Милли китапханәсенең электрон бүлегендә

• башкорт телендәге әсәрләре
• урыс телендәге әсәрләре

башка чыганаклар

• Башкортстан (белешмәлек)(рус.)