Inna Zarafyan

Իննա Սուրենի Զարաֆյան (ռուս.՝ Инна Суреновна Зарафьян, հունիսի 13, 1928(1928-06-13) - հուլիսի 24, 2007(2007-07-24), Մոսկվա, Ռուսաստան) հայկական ծագմամբ խորհրդային ռուսաստանաբնակ կինոօպերատոր, ՌՍՖՍՀ արվեստների վաստակավոր գործիչ (1976), «Պատվո նշան» շքանշանի ասպետ։

Իննա Զարաֆյանը ծնվել է 1928 թվականի հունիսի 13-ին։ Ավարտել է Մոսկվայի կինեմատոգրաֆիայի համառուսական պետական ինստիտուտը (1953, Լեոնիդ Կոսմատովի արվեստանոց)։ 1962 թվականից աշխատել է որպես բեմադրող օպերատոր Գորկու անվան կինստուդիայում։ Նկարահանել է ավելի քան երեսուն գեղարվեստական ֆիլմ, այդ թվում՝ «Եղջերու թագավորը» (ռուս.՝ «Король-Олень»), «Զմրուխտե քաղաքի հրաշագործը» (ռուս.՝ «Волшебник Изумрудного города»), «Սիրելիներից մի բաժանվեք» (ռուս.՝ «С любимыми не расставайтесь»)։

Աշխատել է հայտնի ռեժիսորներ Յակով Սեգելի, Մարկ Դոնսկու, Յուրի Եգորովի, Պավել Արսենովի և այլոց հետ։

Իննա Զարաֆյանը մահացել է 2007 թվականի հուլիսի 24-ին Մոսկվայում։

Իննա Զարաֆյանի ամուսինը եղել է գրող Վլադիմիր Ժուկովը (1928-1982)։

• Թմբկահարի ճակատագիրը (ռուս.՝ Судьба барабанщика, 1955)
• Դրուժոկ (ռուս.՝ Дружок, 1958)
• Հոսում է Վոլգան (ռուս.՝ Течёт Волга, 1962)
• Ծառայողական պարտականությունները կատարելիս (ռուս.՝ При исполнении служебных обязанностей, 1963)
• Գործ հիվանդություն (ռուս.՝ Серая болезнь, 1966)
• Ամենահաջող օրը չէ (ռուս.՝ Не самый удачный день, 1966)
• Արթնացրե՛ք Մուխինին (ռուս.՝ Разбудите Мухина!, 1967)
• Եղջերու թագավորը (ռուս.՝ Король-олень, 1969)
• Նադեժդա (ռուս.՝ Надежда, 1973)
• Անչափահասները (ռուս.՝ Несовершеннолетние, 1976)
• Սիրելիներից մի բաժանվեք (ռուս.՝ С любимыми не расставайтесь, 1980)
• Դիվիզիայի հրամանատարի օրը (ռուս.՝ День командира дивизии, 1983)
• Գլուխկոնծի (ռուս.՝ Кувырок через голову, 1987)
• Ձագը Որսկան շների համաստեղությունից (ռուս.՝ Щен из созвездия Гончих Псов, 1991)
• Հավաքագրորդ (ռուս.՝ Вербовщик, 1991)
• Զմրուխտե քաղաքի հրաշագործը (ռուս.՝ Волшебник Изумрудного города, 1994)

• Энциклопедия кино. 2010.