Ingelin Røssland

Ingelin Røssland (fødd 19. februar 1976) er ein norsk forfattar, journalist og omsetjar. Ho voks opp på Tysnes i Sunnhordland. I 2009 flytta ho til Sverige og bur på Lidingö utanfor Stockholm. Røssland debuterte som forfattar i 1998 med ungdomsromanen Viss du vil på Det Norske Samlaget. I 2001 og 2002 kom dei to romanane Kunsten å inhalera og Flyt.

Sentrale tema i hennar forfattarskap er å finne seg sjølv og sin plass i ei kaotisk verd. Vidare forhold til foreldre, venner, rus, sex og vald mot seg sjølv og andre. Dei fleste bøkene er utgitt på Det Norske Samlaget.

Ho har arbeidd som journalist i avisene Tysnes, Hardanger Folkeblad og Haugesunds Avis og i NRK.

Ho har motteke Sunnmørsprisen 2006 og UPrisen 2007 for boka Handgranateple, Sigmund Skard-stipendet 2007,Guro Sandsdalens litteraturpris for 2007 og Falturiltuprisen i 2011. Bøkene hennar er omsett til tysk, fransk, engelsk og færøysk.

I 2012 kom Kirsebærsnø, den fyrste vaksenromanen hennar.

• 1998 – Viss du vil – Ungdomsbok
• 2001 – Kunsten å inhalera – Ungdomsbok
• 2002 – Flyt – Ungdomsbok
• 2006 – Handgranateple – Ungdomsbok
• 2007 – Monstertanta – Barnebok
• 2008 – Englefjes – Ungdomsbok
• 2009 – Englejakt – Ungdomsbok
• 2010 – Engleslakt – Ungdomsbok
• 2010 – Diana
• 2011 – Minus meg – Barnebok
• 2012 – En ekte helt – Barnebok
• 2012 – Kirsebærsnø – Roman
• 2013 – Full fres! – Barnebok
• 2017 – Hevner – Ungdomsbok
• 2018 – Stjålet venn – Barnebok

• Presentasjon av Ingelin Røssland på nettstaden til Samlaget
• Utgjevingar av Ingelin Røssland i BIBSYS