Quick Facts
Biography
Iñaki Grazenea Zapirain (Hondarribia, Gipuzkoa, 1972 -) gipuzkoar pintorea da.
Biografia
Euskal Herriko Unibertsitatean Arte Ederretako lizentzia eskuratu zuen, Pintura espezialitatean, 1995ean.
Bakarkako lehen erakusketa Bilbon egin zuen 1998an, eta talde-erakusketa ugaritan hartu du parte 1993az geroztik, Zumaian, Elorrion, Hondarribian, Bilbon, Madrilen, Lizarran, Valentzian...
Sari eta beka ugari eskuratu ditu; azkenaldikoetan aipagarria 1998ko Valentziako Bancaixa Bi Urtekoaren ohorezko aipamena, besteak beste. 2000. urtean erakutsi zuen lehen aldiz bere lana Madrilgo Arco Arte Garaikidearen Azokan, Donostiako DV galeriaren eskutik, eta galeria horretan bertan egin zuen urte berean bere hogeita lau margolan biltzen zituen erakusketa. 2001. urtean ere izan zuen bere lana Arcon erakusteko aukera.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.