Ilyas Umar

E-Class

Ilyas Umar nyɛla Musulinsi adiini baŋda ŋun ʒi Tamale din be Ghana Tudu yaɣili palo la. O lahi nyɛla karimba ŋun wuhiri karim Mahamadiya karimzɔŋ karili maa puuni mini shikuru baŋsim zaaha.

Bɛ daa dɔɣila Sheikh Ilyas Bolga 1960 yuuni. O ba dɔɣiro yuli m-booni Alhaji Umar Mahamud ŋun daa nye Bolga limam la. O ba daa nyɛla ŋun daa tiri o bihi wubisiri suŋ pam. Alhaji Ilyas daa nyɛla ŋun doli o ba noli pam.

Alhaji Umar daa pilila Alkuraani baŋsim bɔbu la o ba dɔɣiro sani Bolga. 1974 yuuni ka o daa siɣisi Alikuraani ka kpɛ shikuru mi 1975. O daa nyɛla yuun' pinaanu ka kpɛ shikuru du' yini (P1), Bolga Experimental Primary School. O daa ti yi ni n-chaŋ Labasi Primary School din gba be Bolga maa n-ti ʒini dur' anahi (P.4) yuuni 1977 zaŋ chaŋ 1978. O daa naai ni ka lahi chaŋ Akantom JSS 1980 yuuni. O ni daa naai JSS o yuli daa yina Sandema Secondary Technical School ka o ba daa lee zaɣisi ni o di chaŋ. Di zuɣu ni ka o shikuru baŋsim bomma daa zani.

1985 zaŋ chaŋ 1989 yuuni, o daa nyɛla sɔŋsim(scholarship) n-chaŋ Libya tingban' ni n-ti karim "Islamic Theology" ni "Arabic Language". Ni ka o daa lahi bohim "French" tɔɣisibu.

Alhaji Ilyas Umar nyɛla ŋun yihiri waazu Silimiinsili mini Dagbanli Tudu yaɣili ti tabili Ghana bɔba ni yaɣa pam.

O lahi mali karimzɔŋ o yiŋa n-wuhiri bihi Mahamadiya mini shikuru baŋsim zaa.

Sheikh Ilyas lahi nyɛla karimba ŋun wuhiri Musulinsi Baŋsim (Islamic) Tamale Senior High shikuru (TAMASCO) din be Tamale la.