Quick Facts
ScorpioBiography
Ҡәҙерғолов Илгиз Раян улы (4 ноябрь 1976 йыл) — ғалим-физик, юғары мәктәп эшмәкәре. 2017 йылдың февраленән Башҡортостан Республикаһы Башлығы ҡарамағындағы Башҡортостан дəүлəт хеҙмəте һəм идара итеү академияһы ректоры. Физика-математика фәндәре докторы.
Биографияһы
Илгиз Раян улы Ҡәҙерғолов 1976 йылдың 4 ноябрендә Башҡорт АССР-ының Ишембай районы Байғужа ауылында тыуған.
1993 йылда Кинйәбулат урта мәктәбен тамамлай һәм, физика буйынса республика олимпиадаһы призёры булараҡ, Башҡорт дәүләт университетының физика факультетына имтиханһыҙ ҡабул ителә. БДУ-ла уҡығанда Рәсәй Федерацияһы Президенты һәм бер уҡыу йылында Башҡортостан Республикаһы Президенты стипендиаты була.
1998 йылда университетты отличие менән тамамлай һәм хеҙмәт эшмәкәрлеген Молекула һәм кристалдар физикаһы институтында инженер-тикшеренеүсе булып башлай. Бер үк ваҡытта (1998—2001) Башҡорт дәүләт университетының аспирантураһында уҡый һәм билдәләнгәндән алда «Теоретик физика» һөнәре буйынса кандидатлыҡ диссертацияһы яҡлай.
2003 йылдан — Башҡорт дәүләт университетында: теоретик физика кафедраһының өлкән уҡытыусыһы һәм доценты.
2006 йылда Башҡортостан Республикаһы Хөкүмәте Аппаратына мәғариф һәм фән бүлегенә баш белгес итеп саҡырыла.
2006—2009 йылдарҙа Зәйнәб Биишева исемендәге Стәрлетамаҡ дәүләт педагогия академияһының уҡыу эштәре һәм йәмәғәтселек менән бәйләнеш буйынса проректоры булып эшләй.
2011—2012 йылдарҙа Зәйнәб Биишева исемендәге Стәрлетамаҡ дәүләт педагогия академияһы ректоры.
2015 йыл — 2017 йылдың феврале — Башҡорт дәүләт университетының Нефтекама филиалы директоры.
2017 йылдың 22 февраленән — Башҡортостан Республикаһы Башлығы ҡарамағындағы Башҡортостан дəүлəт хеҙмəте һəм идара итеү академияһы ректоры
Ғилми эшмәкәрлеге
Маҡтаулы исемдәре һәм башҡа бүләктәре
- Рәсәй Федерацияһы Мәғариф һәм фән министрлығының Маҡтау ҡағыҙы (2009)
Иҫкәрмәләр
- ↑ Башҡортостан дәүләт хеҙмәте һәм идара итеү академияһында – яңы ректор. , 2017, 22 февраль (Тикшерелгән 22 февраль 2017)
- ↑ 1992 йылдан Башҡортостан Республикаһы
- ↑ БАШКИРСКИЙ ГОСУДАРСТВЕННЫЙ УНИВЕРСИТЕТ.НЕФТЕКАМСКИЙ ФИЛИАЛ. Официальный сайт. Главная » Кызыргулов Ильгиз Раянович (рус.) (Тикшерелгән 2 октябрь 2016)
Һылтанмалар
- БАШКИРСКИЙ ГОСУДАРСТВЕННЫЙ УНИВЕРСИТЕТ.НЕФТЕКАМСКИЙ ФИЛИАЛ. Официальный сайт
- Сайт «Кто есть кто в РБ» → Карточка персоны Кызыргулов Ильгиз Раянович
- Электронная газета «Образование: путь к успеху». Официальный сайт
- Блог Кызыргулова Ильгиза Раяновича
- Алһыу Әһлиуллина. Илгиз ҠӘҘЕРҒОЛОВ: «Студенттарыбыҙ — иң ҙур ҡаҙанышыбыҙ, иң ҡәҙерле байлығыбыҙ». «Башҡортостан» гәзите, 2012, 12 февраль. (Тикшерелгән 20 май 2018)