Quick Facts
Biography
Ғаянов Илдар Ихсан улы (19 март 1957 йыл) — рәссам, график. 1998 йылдан Рәсәй Федерацияһы һәм Башҡортостан Республикаһының Рәссамдар Союздары ағзаһы, Башҡортостан Республикаһының Салауат Юлаев исемендәге дәүләт премияһы лауреаты (2004) (Исмәғилев Фәйзрахман Абдрахман улы менән берлектә).
Биографияһы
Илдар Ихсан улы Ғаянов Башҡорт АССР-ының Балтас районы Һәйтәк ауылында 1957 йылдың 19 мартында тыуған. Армия хеҙмәтен Германия территорияһында үтә. 1982 йылда Свердловск художество училищеһын (И. Д. Шадр исемендәге Екатеринбург художество училищеһы) тамамлай.
Эштәре
Илдар Ғаяновың йөҙҙән ашыу картинаһы бар, шулар араһында «Башҡорт илселәре Иван IV янында», 11 картинанан торған «Слауат тураһында иртәк» серияһы, 1812—1814 йылдарҙағы Ватан һуғышына арналған картиналар циклы.
Улар М. В. Нестеров исемендәге Башҡорт дәүләт художество музейы (Өфө), МНК НКЦ «Ҡаҙан» МКҮ (Ҡаҙан, ТР), ГИ «Academia» (Өфө, УГАЭС) һәм шәхси коллекцияларҙа һаҡлана.
Күргәҙмәләр
1988 йылдан — республика, төбәк-ара, Рәсәй, союз, халыҡ-ара күргәҙмәләр.
1988 йылдан ете шәхси, 14 төп күргәҙмә (төбәк-ара, төбәк, Рәсәй, Союз, халыҡ-ара күргәҙмәләр).
Маҡтаулы исемдәре һәм башҡа бүләктәре
- Башҡортостан Республикаһының Салауат Юлаев исемендәге дәүләт премияһы (2004) («Салауат тураһында иртәк», 1812—1814 йылдарҙағы Ватан һуғышына арналған эштәре өсөн).
Әҙәбиәте
- Справочник «Художники Советской Башкирии». Автор-составитель Э. П. Фенина, Башкирское книжное издательство, Уфа, 1979
- БСЭ, т. 3, раздел «Башкирская АССР». Изд. «Советская энциклопедия», Москва, 1970.
- Г. С. Кушнеровская: Изобразительное искусство Башкирской АССР. Изд. «Советский художник», Москва, 1974.
Иҫкәрмәләр
Һылтанмалар
- Ғаянов Илдар Ихсан улы // Башҡорт энциклопедияһы —Өфө:«Башҡорт энциклопедияһы» ғилми-нәшриәт комплексы, 2015—2019. — ISBN 978-5-88185-143-9. (Тикшерелгән 17 март 2019)
- http://www.shrb.ru/painting/gayanov_ildar.htm